Dagur leikskólans, 6. febrúar sem að þessu sinni ber upp á laugardag, verður haldinn hátíðlegur í leikskólum í dag 5. febrúar. Þann 6. febrúar árið 1950 stofnuðu frumkvöðlar leikskólakennara fyrstu samtök sín og halda því upp á 60 ára afmæli sitt í ár. Félag leikskólakennara í samstarfi við menntamálaráðuneyti, Samband íslenskra sveitarfélaga og Heimili og skóla fóru af stað með verkefnið „Dagur leikskólans“ árið 2008 og hafa haldið upp á hann síðan en með því er stuðlað að jákvæðri umræðu um leikskólastarf og kynningu þess út á við.
Lesa má meira um Dag leikskólans með því að smella hér (pdf).