Sendi þetta til kynningar og úrvinnslu, látið mig vita ef ég á að senda þetta á fleiri.

Með góðri kveðju,

Guðný J. Ólafsdóttir

verkefnastjóri

Sent framkvæmdastjórum sveitarfélaga og formönnum fræðslunefnda

Skólaþing sveitarfélaga verður haldið mánudaginn 2. nóvember nk. á Hilton Reykjavík Nordica hótelinu í Reykjavík.

Þingið er hugsað sem vettvangur um stefnumótun sveitarfélaga í skólamálum, til upplýsingamiðlunar og umræðu um stöðu, áherslur og þróun skólamál. Gert er ráð fyrir virkri þátttöku þinggesta í umræðuhópum. Markhópur þingsins samanstendur af sveitarstjórnarfólki og starfsfólki og stjórnendum skólamála í sveitarfélögum, fulltrúum mennta- og menningarmálaráðuneytis, fulltrúum foreldra, háskóla og annarra áhugasamra um menntamál.

Tvær megináherslur einkenna skólaþingið að þessu sinni. Fyrri hluti þess fjallar um læsi og sá síðari um vinnumat grunnskólakennara. Á eftir hvorum hluta fyrir sig taka umræðuhópar til starfa sem fá fyrirfram gefnar spurningar til umfjöllunar í tengslum við viðfangsefnið.

Opnað hefur verið fyrir skráningu og á þeirri síðu eru einnig tenglar á tengt efni fyrir þátttakendur í samhengi við áherslur þingsins. http://www.samband.is/skolathing-2015

Ef þið hafið fleiri slóðir sem þið teljið að eigi heima þarna undir þá endilega sendið mér þær upplýsingar.