Sæl bæði tvö,

Eins og þið sjáið á meðfylgjandi póst þá var umsókn okkar varðandi stofnframlag á Einigrund 8 samþykkt en eins og þið sjáið væntanlega einnig þá hafa þeir skalað stofnframlag sitt (ríkis) niður.

Heildarstofnvirði Einigrundar 8, þ.e. kaupverð (kr. 18.500.000) ásamt nauðsynlegum endurbótum (kr. 3.900.000) og kostnað við kaup (kr. 180.000), nam samtals kr. 22.580.000. Stofnframlag ríkis (18%) nemur þá kr. 4.064.400 og viðbótarframlag ríkis (4,0%) nemur þá kr. 903.200 eða samtals kr. 4.967.600.

Samþykkt stofnframlag ríkis samkvæmt meðfylgjandi pósti frá Sigrúnu hjá ÍLS segir til um að samþykkt stofnframlag nemi samtals kr. 4.422.196 sem er skerðing sem nemur -10,98%.

Það er tilkomið vegna þess að ÍLS telur æskilegt að íbúðin sem við myndum festa kaup á sé 60,0 fermetrar að stærð, Einigrund 8 er hinsvegar 67,4 m2 að stærð og því skala þeir stofnframlag sitt niður um 10,98% (60,0/67,4–1=-10,98%).

Veit svo sem ekki hversu rökrétt það er en þið vitið þó allavega ástæðu þess að stofnframlagið er lægra heldur en umsókn okkar sagði til um.

Sæll Þorgeir,

Þið megið búast við að fá bréf núna á allra næstu dögum með niðurstöðu úthlutunarnefndar vegna umsóknar Akraneskaupstaðar en vegna tafa á úthlutun vil ég upplýsa ykkur um að umsókn Akraneskaupstaðar um kaup á einni íbúð við Einigrund 8 hefur verið samþykkt.

• Samþykkt stofnframlag er er 4.422.196.-

Kv. Sigrún

Sæl Laufey,

Nú erum við komin í vandræði með okkar fólk og okkur er farið að liggja verulaga á þessari íbúð.

Hver er staðan á umsókninni og ferlinu ?

Sæl Laufey,

Eins og fram kemur í greinargerð Akraneskaupstaðar, sem við sendum til ykkar í umsókn okkar um stofnframlag, sem og í svarbréfi sem við sendum til ykkar nú þá er umtalsverð eftirspurn eftir íbúðum á svæðinu fyrir þá einstaklinga sem sveitarfélaginu ber sérstök lagaskylda til að veita úrlausn í húsnæðismálum. Svo sem vegna fötlunar eða geðfötlunar eða þeirra sem eru á annan hátt ófærir um að sjá sér fyrir húsnæði sökum lágra tekna, þungrar framfærslubyrðar eða annarra félagslegra aðstæðna.

Í janúar 2017 voru samtals 33 einstaklingar/fjölskyldur á biðlista eftir félagslegu húsnæði, þar af voru 14 einstaklingar/fjölskyldur á biðlista sem uppfylla skilyrði um fötlun og/eða geðfötlun og þar sem að ekki hafa verið byggðar íbúðir á svæðinu í talsverðan tíma þá hefur einstaklingum og fjölskkyldum á þessum biðlistum einungis fjölgað.

Bæjarráð og bæjarstjórn hefur metið kaupin á íbúðinni með ofangreind atriði í huga og telur stærð íbúðarinnar henta vel fyrir fatlaða sem og geðfatlaða sem eru ekki allir einstaklingar og því muni íbúðin geta uppfyllt kröfur til bæði einstaklinga sem og lítilla fjölskyldna þar sem að einn eða fleiri einstaklingur í þeirri fjölskyldu glímir við fötlun og/eða geðfötlun þar sem að íbúð þessi er hugsuð til lengri tíma fyrir bæjarfélagið en ekki til einhvers eins tiltekin leigjanda.  Það liggur alveg ljóst fyrir út frá þeim biðlistum eftir félagslegum íbúðum og ekki síður biðlistum um íbúðir vegna þeirra einstaklinga og/eða fjölskyldna sem glíma við fötlun/geðfötlun að brýn þörf er á íbúð sem rýmir þær fjölskyldustærðir sem eru á biðlista hjá Akraneskaupstað.

Láttu mig endilega vita ef þú þarfnast frekari skýringa eða gagna hvað þetta mál varðar.

Sæll Þorgeir

Í innsendum gögnum kemur fram að Akraneskaupstaður ætlar sér að nýta íbúðina við Einigrund 8 eingöngu sem úrræði fyrir fatlaða einstaklinga.  Þar sem birt stærð íbúðar fer yfir hámarksstærð tveggja herbergja íbúða sem Íbúðalánasjóður telur hagkvæm, en hámarksstærð íbúðar af þessum herbergjafjölda er 60 m²,  óskar sjóðurinn eftir upplýsingum frá Akraneskaupstað hvort þörf sé á að íbúð fari umfram hámarksstærð.

Sé slík þörf til staðar þá óskar Íbúðalánasjóður eftir að fá ítarlegan rökstuðningi um ástæður fyrir þörfinni að stærð íbúðar fari yfir þetta hámark, en þar skal að lágmarki koma fram:

• Er um sérstakar þarfir leigjendahóps að ræða, þá hverjar?
• Er einhver sérstök þörf fyrir aukarými í fermetrum talið vegna sérstakra og nauðsynlegra hjálpartækja, og þá hvaða hjálpartækja?

Vinsamlegast sendið þessar upplýsingar fyrir miðvikudaginn 17.janúar n.k.

Kveðja / Best regards

Laufey Lind Sigurðardóttir
Sérfræðingur
Húsnæðissvið
laufey@ils.is


Borgartún 21
105 Reykjavík
Sími +354 5696900

Meðferð tölvupósts / Disclaimer