Stjórnsýsla og skipurit Akraneskaupstaðar er sett fram með skilvirka og góða þjónustu að leiðarljósi. Áhersla er lögð á að nýjustu aðferðum og markvissum aðgerðum sé beitt á hverjum tíma til að unnt sé að bjóða bæjarbúum og öðrum sem til hans leita með erindi sín skjóta og góða þjónustu. Bæjarstjóri fer með daglega stjórn bæjarins í umboði bæjarstjórnar. Stjórnskipulag Akraneskaupstaðar greinist í 4 stofur sem hver um sig fer með skýrt afmarkaða málaflokka; Aðalskrifstofa, Fjölskyldustofa, Framkvæmdastofa og Skipulags- og umhverfisstofa. Akraneskaupstaður hefur á undanförnum árum verið í fararbroddi hvað varðar upplýsingagjöf á vefnum og sífellt er unnið að því að laga þjónustu bæjarins að því sem best þekkist með aðstoð nýjustu tækni.