Hvað er að gerast á Reykjanesi?
Akraneskaupstaður býður bæjarbúum og öðrum gestum að koma og hlýða á fræðsluerindi jarðfræðingsins Ara Trausta Guðmundssonar um jarðhræringar á Reykjanesinu í Tónbergi þann 19. febrúar 2024.
Við hvetjum öll áhugasöm um eðli og þróun jarðhræringa á Reykjanesskaga til þess að mæta á fræðsluerindið en Ari hefur mikla þekkingu á þessu sviði.
Ari Trausti hefur skrifað fjölda bóka um náttúru Íslands, jarðfræði, eldfjallafræði, stjörnufræði, umhverfisvernd, ferðaslóðir og fjallamennsku, samtals hafa yfir 40 titlar komið út á íslensku, ensku, ítölsku og frönsku. Hann er einnig þekktur sem dagskrárgerðarmaður í útvarpi og sjónvarpi, m.a. fyrir margar heimildarmyndir og þáttaraðir sem hann hefur staðið að.
Við biðjum ykkur um að skrá komu ykkar á facebookviðburðinum með því að smella hér.
Ljósmynd á viðburði: RÚV – Sunna Karen Sigurþórsdóttir