SES - skilnaðarráðgjöf
Félagsráðgjafar velferðar- og mannréttindasviðs bjóða upp á sérhæfða skilnaðarráðgjöf til foreldra barna á aldrinum 0-18 ára, ráðgjöfin kallast SES eða samvinna eftir skilnað.
Ráðgjöfin miðar að því að veita ráðgjöf og stuðning við foreldra sem eiga börn á tveimur heimilum og því geta foreldrar sem eru að skilja, eða hafa skilið eða slitið samvistum og vilja þiggja stuðning og ráðgjöf sett sig í samband við félagsráðgjafa á velferðar- og mannréttindasviði Akraneskaupstaðar.
Meginmarkmið SES verkefnisins er að vernda hagsmuni barnsins sem og að bæta andlega og líkamlega líðan foreldra og barns. Í gegnum SES öðlast foreldrar færni í að takast á við óvæntar uppákomur tengdar skilnaðinum og einnig auka skilning sinn á viðbrögðum barna sinna við honum.
Hér er hægt er að sækja um ráðgjöf hjá SES ráðgjöfum í íbúagátt Akraneskaupstaðar.
Frekari upplýsingar um SES verkefnið má finna á samvinnaeftirskilnad.is