Fréttasafn

Bæjarráð samþykkti á fundi sínum þann 15. febrúar 2018 tillögur skóla- og frístundaráðs og menningar- og safnanefndar um styrkveitingar til íþrótta- og menningarmála að andvirði 7,7 m.kr. Um er að ræða úthlutun styrkja úr sjóði atvinnu-, íþrótta- og menningarmála en auglýst var eftir umsóknum í sjóðinn í nóvember með umsóknarfrest til 17. desember síðastliðinn.

Bæjarstjórn Akraness samþykkti þann 27. febrúar 2018 að auglýsa lýsingu vegna breytinga á aðalskipulagi Grenja H3 hafnarsvæði samkvæmt 30. gr. skipulagslaga nr.123/2010. Fyrirhuguð er stækkun landfyllingar til norðurs til að rýma fyrir stækkun athafnahúsnæðis. Samhliða breytingu á aðalskipulagi verður deiliskipulag fyrir reitinn kynnt.

Akraneskaupstaður auglýsti starf forstöðumanns íþróttamannvirkja í byrjun febrúar. Umsóknarfrestur rann út þann 25. febrúar síðastliðinn og eru umsækjendur 17 talsins. Ráðningarferli stendur yfir.

Opið hús verður haldið 6. mars n.k. frá kl. 12:00 til 18:00, að Stillholti 16-18, 1. hæð. Kynntar verða fyrirhugaðar breytingar á deiliskipulagi Flóahverfis. Breytingin felst í að bæta við götu og veita tímabundna heimild fyrir starfsmannabúðir.

1269. fundur bæjarstjórnar Akraness verður haldinn í bæjarþingsalnum að Stillholti 16-18, þriðjudaginn 27. febrúar kl. 17:00. Fundirnir eru öllum opnir og eru bæjarbúar hvattir til að mæta og kynna sér bæjarmálin. Vakin er athygli á því að hægt er að hlusta á fundinn á FM 95,0.

Það tilkynnist hér til íbúa á Akranesi að Gámaþjónusta Vesturlands ákvað í um kaffileitið að loka söfnunarsvæði Gámu það sem eftir er dags, þar sem veður er orðið mjög vont og vindátt þannig að miklar hviður geta orðið á leiðinni þarna uppeftir.

Innritun barna í grunnskóla á Akranesi sem hefja skólagöngu næstkomandi haust er nú lokið. Í íbúagátt Akraneskaupstaðar, www.ibuagatt.akranes.is, geta forráðamenn nálgast tilkynningu þess efnis. Hægt er skrá sig inn í íbúagáttina með rafrænum skilríkum eða íslykli. Forráðamenn velja þegar innskráningu lýkur

Um þessar mundir er unnið að því að rífa innan úr mannvirkjum á Sementsreit, flokka rifúrgang og farga. Jafnframt er verið að brjóta niður síló inn í efnisgeymslunni. Mikil vinna er við að klippa niður tækjabúnað verksmiðjunnar og eru byggingahlutar brotnir niður, þegar búið er að hreinsa innan úr þeim.

Lilja Rafney Magnúsdóttir alþingismaður norðvesturkjördæmis fyrir Vinstrihreyfinguna - grænt framboð mætti á fund bæjarstjóra Akraness föstudaginn 16. febrúar síðastliðinn til þess að ræða frekari atvinnuuppbyggingu á Akranesi. Lilja Rafney er formaður atvinnuveganefndar Alþingis og hefur setið í áðurnefndri nefnd frá árinu 2011.

Í tilefni af 112 deginum sem haldinn er þann 11. febrúar árlega, gefur Rauði krossinn á Akranesi opinberum stofnunum á Akranesi og í Hvalfjarðarsveit skyndihjálparveggspjald sem verða hengd upp á áberandi stöðum innan stofnana.