Fréttasafn

Barnamenningarhátíð, sem er sérstakur þáttur í menningarhátíðinni Vökudagar í ár, var sett fyrr í dag. Bókasafninu á Akranesi var veittur sérstakur styrkur frá Uppbyggingarsjóði til barnamenningarhátíðar fyrir svæðið sunnan Skarðsheiðar og var unnið að því verkefni með miðstigum grunnskólanna þriggja á svæðinu og þá sérstaklega með sjöttu bekkjum skólanna.

Menningarhátíðin Vökudagar hefst fimmtudaginn 26. október næstkomandi og stendur til sunnudagsins 5. nóvember. Dagskrá hátíðarinnar er fjölbreytt að vanda og ættu allir að finna eitthvað við sitt hæfi.

Málþing um áhrif knattspyrnunnar á Akranesi verður haldið í Tónbergi næstkomandi föstudag þann 27. október og hefst það klukkan 15.00. Fundarstjóri er Heimir Fannar Gunnlaugsson og er aðgangur er ókeypis.

Mánudaginn 25. október síðastliðinn tóku bæjarstjóri og bæjarfulltrúar Akraness á móti frambjóðendum Norðvesturkjördæmis. Í upphafi fundarins fór Sævar Freyr Þráinsson bæjarstjóri yfir þau allra brýnustu mál sem Akraneskaupstaður stendur frammi fyrir og mynduðust afar áhugaverða umræður í kjölfarið meðal...

Kjörfundur vegna kosninga til Alþingis fer fram í Brekkubæjarskóla, laugardaginn 28. október næstkomandi. Hefst hann kl. 9:00 og lýkur í síðasta lagi kl. 22:00.

Fimmtudaginn síðastliðinn var samstarfssamningur til þriggja ára undirritaður við þær Margréti Blöndal, Söru Blöndal og Hlédísi Sveinsdóttur um viðburðinn „Jólaævintýri í Garðalundi“. Markmið samningsins er að búa til vettvang þar sem fjölskyldur á Akranesi geta komið saman og átt góðar stundir á aðventunni.

Kosningar til Alþingis fara fram laugardaginn 28. október næstkomandi. Kjörskrá á Akranesi hefur nú verið samþykkt og lögð fram. Alls eru á kjörskránni 5.091 einstaklingar, þar af eru 2.578 karlar og 2.513 konur. Kjósendur á kjörskrá á Akranesi eru þeir sem eiga þar skráð lögheimili fimm vikum fyrir kjördag, þann 23. september 2017

Nú á dögunum kynnti starfshópur um uppbyggingu Jaðarsbakkasvæðis, áfangaskýrslu um hugsanlega framtíðarsýn svæðisins. Kynningarfundinn sátu fulltrúar bæjarráðs, skóla- og frístundaráðs og skóla- og frístundasviðs og var það Þórður Guðjónsson formaður starfshópsins og formaður skóla- og frístundaráðs, sem kynnti tillögur starfshópsins.

Hvert eru þið að fara til vinnu? Eru þið að ferðast langt, farið þið á bíl eða strætó eða er vinnan kannski bara í næsta húsi? Síðust tvö ár hafa verið unnin rannsóknarverkefni um allt land til að skoða ferðamynstur fólks og nú er röðin komin að Akranesi. Til þess að fá sem áreiðanlegastar upplýsingar biðjum við...

1261. fundur bæjarstjórnar Akraness verður haldinn í bæjarþingsalnum að Stillholti 16-18, þriðjudaginn 10. október kl. 17:00. Fundirnir eru öllum opnir og eru bæjarbúar hvattir til að mæta og kynna sér bæjarmálin. Vakin er athygli á því að hægt er að hlusta á beina útsendingu frá fundinum á FM 95,0.