Fréttasafn

Fyrr í vikunni hóf Kaja Organic framleiðslu á íslensku og lífrænu pasta á Akranesi. Karen Jónsdóttir frumkvöðull og eigandi Kaja Organic sem rekur annars vegar Matarbúr Kaju og Café Kaju, lét ekki spyrja sig tvisvar þegar ljóst var að hlé yrði á framleiðslu Norðurárdals pasta í Hreðavatnsskála.

Akraneskaupstaður hefur í fleiri ár stutt við bak Björgunarsveita með kaupum á stærri útgáfu Neyðarkallsins. Í gær, þann 7. nóvember afhenti Sigurður Ingi Grétarsson frá Björgunarfélagi Akraness Sævari Frey Þráinssyni bæjarstjóra Neyðarkall 2017. Prýðir hann nú skrifstofu bæjarstjóra ásamt Neyðarköllum síðustu ára.

Skipulags- og umhverfisráðs samþykkti á fundi sínum þann 17. október síðastliðinn að ganga til samninga við lægstbjóðanda um niðurrif Sementsverksmiðjunnar. Útboðsverkinu var skipt í tvo þætti og mun Work North ehf. sjá um framkvæmd á þætti eitt. Alls bárust tólf tilboð í verkið.

Bæjarráð Akraneskaupstaðar samþykkti á fundi sínum þann 1. nóvember síðastliðinn að fara með rekstur Tjaldsvæðisins í Kalmansvík í útboð. Undirbúningur útboðsins hefst fljótlega og er stefnt að útboð verði í janúar 2018. Á sama tíma er verið að leggja lokahönd á deiliskipulag svæðisins og má þess vænta að það...

Framkvæmdum við Guðlaugu á Langasandi er lokið í bili. Laugin sem um ræðir verður staðsett í grjótgarðinum undir stúkunni á Jaðarsbökkum og er verktaki Ístak ehf., Pípulagningaþjónustan ehf. og Rafþjónusta Sigurdórs ehf. Undirverktaki hjá Ístak er Vélaleiga Halldórs Sig ehf. Framkvæmdir hófust í lok ágúst...

Í tilefni af Vökudögum hefur Tónlistarskólinn á Akranesi helgað líðandi viku samspili nemenda í ýmsum myndum. Nemendur hafa myndað stærri og smærri hljómsveitir og samspilshópa og verður árangurinn af starfi vikunnar fluttur fyrir gesti Tónlistarskólans á laugardaginn kemur, 4. nóvember.

Laugardaginn 4. nóvember næstkomandi verður seinni hunda- og kattahreinsun í þjónustumiðstöð Akraness að Laugarbraut 6 (gamla slökkvistöðin). Samkvæmt 15. kafla reglugerðar um hollustuhætti nr. 941/2002 er hunda- og kattaeigendum skylt að láta ormahreinsa dýr sín árlega og er það innifalið í leyfisgjaldi.

Foreldrar barna sem fædd eru í janúar og febrúar 2016 hafa nú fengið boð um leikskóladvöl í leikskólum Akraneskaupstaðar í byrjun janúar 2018. Haft hefur verið samband símleiðis við foreldra allra barna sem eru fædd í janúar og febrúar 2016 og þau fengið boð um leikskólavist. Formlegt erindi frá leikskólastjórum mun berast í næstu viku.

Guðbjörg Árnadóttir hlaut í dag Menningarverðlaun Akraness 2017 fyrir framúrskarandi framlag til menningarmála á Akranesi. Verðlaunin voru afhend við setningu menningarhátíðarinnar Vökudaga af Ingþóri Bergmann Þórhallssyni, formanni menningar- og safnanefndar.

Barnamenningarhátíð, sem er sérstakur þáttur í menningarhátíðinni Vökudagar í ár, var sett fyrr í dag. Bókasafninu á Akranesi var veittur sérstakur styrkur frá Uppbyggingarsjóði til barnamenningarhátíðar fyrir svæðið sunnan Skarðsheiðar og var unnið að því verkefni með miðstigum grunnskólanna þriggja á svæðinu og þá sérstaklega með sjöttu bekkjum skólanna.