Tímabundin afnot af bæjarlandi

Óheimilt er að nota land í eigu Akraneskaupstaðar, jafnt svæði utan skilgreindra lóða sem innan óúthlutaðra lóða, án leyfis Akraneskaupstaðar.

Hægt er að sækja um leyfi fyrir tímabundnum afnotum af bæjarlandi Akraneskaupstaðar, utan skilgreindra lóðarmarka, svo sem af opnum svæðum, gatnamannvirkjum og gönguleiðum, séu fyrir því lögmætar og málefnalegar ástæður og ef nauðsyn krefur, einkum vegna framkvæmda. Undir þetta falla einnig stærri viðburðir, rof á yfirborði vegna lagna og strengja. Þessar reglur eiga einnig við um tímabundin afnot af óúthlutuðum lóðum.

Tímabundin afnot af bæjarlandi eru veitt í samræmi við reglur bæjarstjórnar frá 9.7.2024 sjá hér
Með umsókninni samþykkir umsækjandi að bera ábyrgð á að afnotin, merkingar og frágangur, fylgi öllum ákvæðum reglugerðar og leyfis.

Sækja skal um afnotin í gegnum þjónustugátt á heimasíðu Akraneskaupstaðar sjá hér . Umsókn skal berast með minnst 3 vikna fyrirvara, nema bilun eða neyðartilvik komi upp, en þá skal senda inn umsókn sem fyrst.

Leiði afnotin til truflunar á umferð yfir eitthvað tímabil, skal tilkynna þau sérstaklega, sjá hér. Með þeirri tilkynningu er upplýsingum komið á framfæri við neyðaraðila, strætó og sett á heimasíðu bæjarins.

Nánari upplýsingar eru veittar í þjónustuveri Akraneskaupstaðar.

Í gjaldskrá fyrir skipulags- og umhverfismál grein 3.4 eru upplýsingar um gjöld fyrir afnotaleyfi og viðbótardagsleigu ef þörf er á, sjá hér.