Bæjarráð

Yfirlit yfir fulltrúa stjórnmálaflokka í yfirkjörstjórn og undirkjörstjórnum I, II og III sem starfa munu á kjördag vegna alþingiskosninganna 27. apríl 2013.

Bréf Þjóðskrár Íslands þar sem tilkynnt er um að með ríkisfangsbréfi innanríkisráðuneytisins, dags. 17. apríl 2013, hafi einstaklingur með lögheimili á Akranesi öðlast íslenskan ríkisborgararétt. Þjóðskrá Íslands hefur breytt skráningu í þjóðskrá til samræmis við framangreint og vill vekja athygli sveitarstjórnar á þessu svo leiðrétta megi kjörskrá Akraness skv. 4. mgr. 27. gr. laga nr. 24/2000 um kosningar til Alþingis.

Bréf Þjóðskrár Íslands, dags. 20. des. 2012, varðandi umsókn einstaklings búsetts erlendis um að vera á kjörskrá m.a. við kosningar til Alþingis. Samkvæmt 1. mgr. 2. gr. laga um kosningar til Alþingis nr. 24/2000 er umsóknin fullnægjandi og hefur viðkomandi því verið tekinn á kjörskrá í Akraneskaupstað.

Bréf Þjóðskrár Íslands, dags. 18. apríl 2013, varðandi ranga skráningu einstaklings á kjörskrárstofnum sem sveitarstjórnum Skorradalshrepps og Akraness voru látnir í té vegna alþingiskosninganna 27. apríl 2013. Viðkomandi skal vera á kjörskrá í Skorradalshreppi en ekki á Akranesi skv. 1. mgr. 23. gr. laga um kosningar til Alþingis. Athygli sveitarstjórnanna er vakin á þessu svo leiðrétta megi kjörkrár þeirra skv. 1. og 2. mgr. 27. gr. laga nr. 24/2000.

Tölvupóstur innanríkisráðuneytis, dags. 19. apríl 2013, varðandi kosningaeftirlit Öryggis- og samvinnustofnunar Evrópu (ÖSE).

Frá áritun bæjarráðs Akraness á kjörskrá þann 11. apríl sl. hefur einn karlmaður á kjörskrá látist.
Skv. úrskurði Þjóðskrár Íslands skal færa einn karlmann, sem hlaut nýlega íslenskan ríkisborgararétt, á kjörskrá á Akranesi og einn karlmann skal strika út af kjörskrá á Akranesi en Skorradalshreppur samþykkti skráningu viðkomandi í hreppinn þann 17/4 sl. og færist hann því á kjörskrá í Skorradalshreppi.