Fjölskylduráð (2009-2014)

Fjölskylduráð hefur ákveðið að heimsækja þær stofnanir sem heyra undir ráðið. Byrjað verður með að heimsækja leik- og grunnskóla Akraneskaupstaðar.

Skólastjórar grunnskólanna hafa óskað eftir að áheyrnarfulltrúar foreldra frá báðum grunnskólunum verði boðaðir þegar málefni grunnskólanna eru til umfjöllunar hjá Fjölskylduráði. Einnig að boðaðir verði bæði aðal og varamenn áheyrnarfulltrúa starfsmanna af sama tilefni.

Á hverju sumri sækja nokkrir fatlaðir einstaklingar sumardvöl í Reykjadal í Mosfellsbæ. Fram er komin ósk um þátttöku Akraneskaupstaðar vegna sumardvalar fatlaðra einstaklinga sem búsettir eru á Akranesi.

Mennta- og menningarmálaráðherra hefur sent bréf til skólanefnda, skólastjóra og fleiri þar sem kynnt er aðkoma ráðuneytisins að átaki gegn einelti bæði í skólum og vinnustöðum. Ráðherra hvetur í bréfi sínu til stöðugrar árveki í velferðarmálum barna.