Skóla- og frístundaráð

Ingunn Ríkharðsdóttir varaáheyrnarfulltrúi leikskólastjóra, Sylvía Hera Skúladóttir áheyrnarfulltrúi foreldra barna í leikskóla sitja fundinn.

Samþykkt er að inntaka barna verði í samræmi við rekstraráætlun leikskólanna fyrir árið 2019 enda mikil vinna lögð í að ná endum saman við gerð rekstraráætlunar. Þannig verði börnum sem fædd eru frá 1. júní 2017 ? 30. apríl 2018 boðið leikskólapláss á komandi skólaári. Börnum fæddum í maí 2018 verður boðin innritun í samræmi við laus pláss í leikskólum, elsta barn fyrst og svo koll af kolli eins og pláss leyfir.
Þessi ákvörðun er í samræmi við þá ákvörðun sem tekin var við innritun barna haustið 2018. Starfshópur um framtíðarþörf á leikskólaplássi á Akranesi er enn við störf. Nú þegar hefur þeirri vinnu verið flýtt eins og unnt er svo hægt sé að taka ákvörðun um framtíðaruppbyggingu í leikskólamálum á Akranesi.