Skóla- og frístundaráð

Á barnaþingi 2022 kom fram skýr vilji barna- og ungmenna á Akranesi til að lengja opnunartíma sundlaugarinnar á Jaðarsbökkum á kvöldin, bæði á virkum dögum og um helgar. Fulltrúi ungmennaráðs talaði fyrir málinu á bæjarstjórnarfundi unga fólksins 15. nóvember 2022. Í kjölfarið var málið tekið upp í skóla- og frístundaráði sem fól forstöðumanni íþróttamála- og íþróttamannvirkja að móta tillögur að breyttum á opnunartíma í takt við ábendingar ungmennaráðs og í samræmi við nýtingartölur sundlaugarinnar.

Skóla- og frístundaráð samþykkir eftirfarandi breytingar á opnunartíma íþróttamiðstöðvarinnar á Jaðarsbökkum: Virkir dagar 6:30-22:00 (í stað 6:00-21:00) og um helgar 9:00-19:00 (í stað 9:00-18:00). Nýr opnunartími tekur gildi 1.mars 2024.

Breytingarnar rúmast innan fjárhagsramma íþróttamannvirkjanna og kemur því ekki til kostnaðarauka vegna þessa. Ákvörðun um opnunartíma íþróttamiðstöðvarinnar á Jaðarsbökkum verður endurskoðuð fyrir 1. desember 2024.

Skóla- og frístundaráð felur sviðstjóra að vinna málið áfram.

Skóla- og frístundaráð samþykkir beiðni ungmennaráðs um að fresta bæjarstjórnarfundi unga fólksins sem fyrirhugaður var 21. nóvember n.k. til seinni hluta janúar mánaðar 2024. Starfsreglur ungmennaráðs eru í endurskoðun í samræmi við áherslur barnvæns sveitarfélags og verða tillögur að breyttum reglum kynntar skóla- og frístundaráði á vormánuðum 2024.

Skóla- og frístundaráð þakkar Heiðrúnu fyrir góða kynningu á niðurstöðum Íslensku æskulýðsrannsóknarinnar og Arnbjörgu og Sigurði fyrir gott samtal. Ráðið tekur undir mikilvægi þess að vinna með niðurstöðurnar á skipulagðan hátt hjá sveitarfélaginu og innan grunnskólanna í miklu samstarfi við foreldra.

Lagt fram til kynningar.