Skóla- og frístundaráð
Dagskrá
1.Framkvæmdir við mannvirki á skóla- og frístundasviði - reglubundið yfirlit
2402214
Anna María Þráinsdóttir verkefnastjóri á skipulags- og umhverfissviði kynnir stöðu framkvæmda á skóla- og frístundasviði.
Skóla- og frístundaráð þakkar Önnu Maríu kærlega fyrir yfirlit um stöðu framkvæmda.
2.Ægisbraut - afnot af túni fyrir frjálsar íþróttir
2401271
Fulltrúar stjórnar Umf. Skipaskaga, Guðmunda Ólafsdóttir framkæmdarstjóri ÍA og Daníel S. Glad forstöðumaður íþróttamannvirkja sitja fundinn undir þessum lið.
Skóla- og frístundaráð þakkar fulltrúum Umf. Skipaskaga fyrir upplýsandi samtal um málefni félagsins og framtíðarsýn. Stjórn Umf. Skipaskaga hefur lýst yfir áhuga á að fá afnot af túni við Ægisbraut sem æfingasvæði fyrir frjálsar íþróttir. Slétta þarf hluta túnsins og koma upp lágmarks aðstöðu s.s. langstökksgrifju, kúluvarpshring/svæði og gámi fyrir búnað. Skóla- og frístundaráð felur sviðsstjóra að afla upplýsinga um kostnað við að útbúa svæðið til frjálsíþróttaæfinga í samræmi við umræður á fundinum.
Fulltrúar stjórnar Umf. Skipaskaga, Guðmunda Ólafsdóttir og Daníel S. Glad víkja af fundi.
3.Mánaðayfirlit 2024
2403044
Kristjana H. Ólafsdóttir fjármálastjóri kynnir rekstrarútkomu málaflokksins fyrir árið 2023 og janúaryfirlit 2024.
Skóla- og frístundaráð þakkar Kristjönu fyrir góða yfirferð um fjárhagsstöðu málaflokksins.
Kristjana Ólafsdóttir víkur af fundi.
4.Heildarstefna Akraneskaupstaðar - Bæjarstjórn unga fólksins
2402227
Erindi frá bæjarstjórnarfundi unga fólksins vísað til umfjöllunar í skóla- og frístundaráð.
Skóla- og frístundaráð þakkar fyrir erindið og tekur undir mikilvægi þess að verkefni, aðgerðir og mælikvarðar tengdir heildarstefnu Akraneskaupstaðar verði vel kynntir og sýnilegir fyrir íbúum bæjarins. Skóla- og frístundaráð leggur ríka áherslu á að hagsmunamál og sjónarmið barna og ungmenna hafi mikið vægi í forgangsröðun verkefna og að hugað verði sérstaklega að kynningu á heildarstefnunni fyrir börn- og ungmenni.
5.Svæðisbundin farsældarráð
2403194
Umræða um fyrirhuguð svæðisbundin farsældarráð.
Lagt fram til kynningar.
6.Frumvarp til laga um inngildandi menntun
2403196
Lagt fram til kynningar.
Fundi slitið - kl. 18:00.
