Stjórn Akranesstofu (2008-2013)
14. fundur stjórnar Akranesstofu var haldinn fimmtudaginn 19. mars 2009 í fundarherbergi á bæjarskrifstofu Akraneskaupstaðar, Stillholti 16-18 og hófst hann kl. 17:00.
Mættir: Þorgeir Jósefsson, formaður
Ólafur Helgi Haraldsson, varamaður
Rún Halldórsdóttir, varamaður
Hrönn Ríkharðsdóttir, varamaður
Helga Ingibjörg Guðjónsdóttir, varamaður
Arnheiður Hjörleifsdóttir, fulltrúi Hvalfjarðarsveitar
Auk þeirra Tómas Guðmundsson, verkefnastjóri sem einnig ritaði fundargerð.
Formaður setti fundinn og bauð fundarmenn velkomna.
Fyrir tekið:
1. Kútter Sigurfari
Formaður kynnti stöðu mála varðandi möguleika á endurgerð Kútters
Sigurfara með það að markmiði að koma skipinu í sjófært ástand.
Jafnframt voru lagðar fram tillögur Atvinnuráðgjafar SSV um fyrsta
áfanga verkefnisins; nauðsynlegar mælingar, teikningar, niðurrif og
förgun og flutning nýtanlegra hluta skipsins til skipasmíðastöðvarinnar
Skipavíkur ehf. í Stykkishólmi, þar sem endurgerðin færi fram að
verulegu leiti sem atvinnuátaksverkefni.
Stjórnin samþykkir að óska eftir því við eigendur kúttersins að ráðist
verði í fyrsta áfanga endurgerðar Kútters Sigurfara samkvæmt
áðurnefndum tillögum.
2. Staða samninga vegna Safnasvæðisins
Formaður gerði grein fyrir stöðu samningaviðræðna
Akraneskaupstaðar og Hvalfjarðarsveitar annars vegar og Vætta ehf.
hins vegar um rekstur og uppbyggingu á Safnasvæðinu að Görðum.
Lögð voru fram drög að samkomulagi ásamt fylgigögnum.
Stjórn Akranesstofu vísar málinu til bæjarráðs Akraness og
sveitarstjórnar Hvalfjarðarsveitar til ákvarðanatöku.
3. Viskubrunnur í Álfalundi ? staða verkefnisins.
Umræðum frestað til næsta fundar.
4. Önnur mál
Umræðum frestað til næsta fundar.
Fleira ekki gert, fundi slitið kl. 18:20.
