Stjórn Akranesstofu (2008-2013)
28. fundur stjórnar Akranesstofu var haldinn föstudaginn 28. maí 2010 í fundarherbergi á bæjarskrifstofu Akraneskaupstaðar, Stillholti 16-18 og hófst hann kl. 17:00.
Mættir: Þorgeir Jósefsson, formaður
Bergþór Ólason, varaformaður
Björn Guðmundsson, aðalmaður
Margrét Snorradóttir, aðalmaður
Hjördís Garðarsdóttir, aðalmaður
Daníel Ottesen, varamaður, fulltrúi Hvalfjarðarsveitar
Auk þeirra Tómas Guðmundsson, verkefnastjóri sem einnig ritaði fundargerð.
Jón Allansson, forstöðumaður Byggðasafnsins boðaði forföll.
Formaður setti fundinn og bauð fundarmenn velkomna.
Fyrir tekið:
1. Ársreikningur Byggðasafnsins 2009
Til fundarins mætti Andrés Ólafsson, fjármálastjóri Akraneskaupstaðarog fór yfir ársreikninga Byggðasafnsins.
Rekstrartekjur safnsins á árinu námu 41,2 millj. kr., en þar af námu rekstrarframlög eigenda um 27,7 millj. kr. Rekstrargjöld námu 50,2 millj. Neikvæð rekstrarafkoma árins nam 10,0 millj. kr. Samkvæmt efnahagsreikningi námu eignir safnsins í árslok 83,8 millj. kr. og heildarskuldir 27,8 millj. kr. Eigið fé í lok árins nam 55,9 millj. kr.
Rekstrarhalli safnins skýrist að mestu leiti af endurreikningi lífeyrisskuldbindingar upp á 6,8 millj. kr.
Stjórn Akranesstofu, auk fulltrúa Hvalfjarðarsveitar, samþykkir ársreikninginn og undirritar hann. Forstöðumaður Byggðasafnsins hafði áður staðfest reikninginn með undirskrift sinni.
2. Kútter Sigurfari
Verkefnastjóri gerði grein fyrir viðræðum sínum við tengilið sinn í menntamálaráðuneyti varðandi erindi Akraneskaupstaðar um breytingar á samningi um Kútter Sigurfara.
Fleira ekki gert, fundi slitið kl. 17:30.
