Stjórn Lífeyrissjóðs Akraneskaupstaðar (2000-2006)
Fundur nr. 379 hjá stjórn Lífeyrissjóðs Akraneskaupsstaðar var haldinn í fundarsal bæjarskrifstofu, föstudaginn 08. desember 2006 og hófst hann kl. 08:00
Mættir voru: Gísli S. Einarsson, formaður stjórnar,
Sævar Þráinsson
Valdimar Þorvaldsson
Auk þeirra
Fyrir tekið:
1. Makalífeyrir.
Sjá trúnaðarbók.
2. Tillaga um viðræður við Lífeyrissjóð starfsmanna sveitarfélaga um þjónustu- og rekstrarsamning.
Lögð fram eftirfarandi tillaga:
,,Stjórn Lífeyrissjóðs Akraneskaupstaðar samþykkir að fela bæjarstjóra sem formanni stjórnar lífeyrissjóðsins og Sævari Þráinssyni stjórnarmanni að taka upp viðræður við Lífeyrissjóð starfsmanna sveitarfélaga um þjónustu- og rekstrarsamning. Samningurinn taki til móttöku og skráningu iðgjalda, skráningu réttinda, útreiknings- og útgreiðslu lífeyris og annarra þátta í starfsemi sjóðsins. Markmiðið skal vera að veita góða þjónustu, með áherslu á öruggar upplýsingar, traustar ráðleggingar, gott viðmót og stuttan svartíma."
Gísli S. Einarsson (sign)
Sævar Þráinsson (sign)
Valdimar Þorvaldsson (sign)
Tillagan samþykkt.
Í framhaldi af ofangreindri samþykkt var lögð fram eftirfarandi tillaga:
,,Í framhaldi af fundi Gísla S. Einarssonar formanns stjórnar lífeyrissjóðsins og Sævars Þráinssonar stjórnarmanns í lífeyrissjóðnum með framkvæmdastjóra LSS samþykkir stjórn Lífeyrissjóðs Akraneskaupstaðar að fela Andrési Ólafssyni fjármálastjóra Akraneskaupstaðar/framkvæmdastjóra lífeyrissjóðsins og Jóhanni Þórðarsyni endurskoðanda að taka upp frekari viðræður og samninga við Lífeyrissjóð starfsmanna sveitarfélaga um þjónustu- og rekstrarsamning.
Stefnt skal að því að yfirtaka geti farið fram miðað við áramót 2006/2007.
Samningurinn taki til móttöku og skráningu iðgjalda, skráningu réttinda, útreiknings- og útgreiðslu lífeyris og annarra þátta í starfsemi sjóðsins. Markmiðið skal vera að veita góða þjónustu, með áherslu á öruggar upplýsingar, traustar ráðleggingar, gott viðmót og stuttan svartíma."
Stjórnin samþykkir ofangreinda tillögu.
Fleira ekki gert, fundi slitið kl. 08:30
