Berglind Helga Jóhannsdóttir nýr persónuverndarfulltrúi Akraneskaupstaðar
10.09.2018
Berglind Helga Jóhannsdóttir hefur verið ráðin persónuverndarfulltrúi Akraneskaupstaðar. Staðan var auglýst í júlí síðastliðnum og voru umsækjendur 12 talsins en þrír umsækjendur drógu umsókn sína til baka.
Berglind Helga lauk B.Sc í lögfræði frá Syddansk Universitet í Óðinsvéum og síðar meistaranámi í lögfræði frá Háskólanum á Bifröst. Hún hefur fjölbreytta reynslu af lögfræðistörfum, m.a. á lögfræðisviði Landsbankans og sem ritari fagráðs bankans. Hún gengdi einnig starfi löglærðs fulltrúa hjá Sýslumanninum á Akranesi, sem síðar varð Sýslumaðurinn á Vesturlandi.
Berglind Helga hefur störf þann 10. september og bjóðum við hana velkomna til starfa.
Moya