Málum bæinn gulan
03.05.2015
Í tilefni af fyrsta stórleik sumarsins í dag, þann 3. maí, þar sem ÍA mætir Stjörnunni á heimavelli hvetur Akraneskaupstaður, í samvinnu við ÍA, bæjarbúa til að taka þátt í að búa til alvöru ÍA stemningu og mála bæinn skærgulan. Íbúar eru beiðnir um að hengja gult út á snúru, gular flíkur, gul handklæði eða bara hvað sem er, svo lengi sem það er vel gult. Vertu með, hvort sem snúrurnar þínar eru úti í garði eða úti á svölum, við aðalgötu eða hliðargötu.
Upphitun fyrir leikinn hefst í Safnaskálanum að Görðum kl. 15.30 og eru allir hjartanlega velkomnir. Gengið verður saman við undirleik frá safnaskálanum á völlinn.
ÁFRAM SKAGAMENN!
Moya