Tilkynning frá Akraneskaupstað: Leikskólar á Akranesi opnir á morgun
07.05.2015
Nemendur af leikskólanum Akraseli.
Leikskólar á Akranesi verða opnir á morgun, föstudaginn 8. maí en áður hafði verið boðað að þeir yrðu lokaðir vegna verkfalls ræstingafólks sem starfar hjá fyrirtækinu Hreint ehf. og er í Verkalýðsfélagi Akraness sem er aðili að Starfsgreinasambandinu. Regína Ásvaldsdóttir bæjarstjóri segir að náðst hafi samkomulag við fyrirtækið um ræstingar snemma morguns á föstudeginum og því sé hægt að halda úti hefðbundinni starfsemi. Verkfallinu lýkur á miðnætti.
Foreldrar geta því komið með börn sín í leikskólann 8. maí.
Vinsamlegast hjálpið okkur að láta fréttina berast.
