Akraneskaupstaður auglýsir eftir fjármálastjóra

Á fundi bæjarráðs þann 1. september var samþykkt að heimila ráðningu nýs fjármálastjóra Akraneskaupstaðar. Um er að ræða tilfærslu á störfum innan stjórnsýslu- og fjármálasviðs en tveir þjónustufulltrúar eru að hætta störfum og verða stöður þeirra ekki auglýstar lausar til umsóknar. Núverandi fjármálastjóri mun halda áfram störfum hjá Akraneskaupstað sem verkefnisstjóri fjárreiðna og færði bæjarráð honum bestu þakkir fyrir mjög gott starf í þágu Akraneskaupstaðar í starfi fjármálastjóra.  Hér má sjá fundargerð bæjarráðs og undir dagskrárlið nr. 5. er að finna tillögu og greinargerð vegna málsins.

Fjármálastjóri hefur yfirumsjón með áætlanagerð og uppgjöri sveitarfélagsins og samhæfingu verkefna á sviði fjármála. Næsti yfirmaður er sviðsstjóri stjórnsýslu- og fjármálasviðs og er fjármálastjóri staðgengill hans. 

Starfssvið

• Ábyrgð á daglegri fjár­mála­stjórn sveit­ar­fé­lagsins.
• Undir­bún­ingur, gerð og eftir­fylgni fjár­hags­á­ætlana.
• Yfir­um­sjón með fjár­reiðum, innkaupum og reikn­ings­haldi.
• Yfirumsjón með framlagningu árshlutareikninga og ársreikninga.
• Grein­ing­ar­vinna og miðlun upplýs­inga til kjör­inna full­trúa og stjórn­enda.
• Ýmis umbóta­verk­efni sem snúa m.a. að innleið­ingu nýrra kerfa og gerð verk­ferla.

Hæfniskröfur

• Háskólapróf í viðskiptafræði, framhaldsmenntun æskileg.
• Reynsla af reikningshaldi, áætlanagerð og fjármálastjórnun.
• Stjórnunarreynsla og þekking á opinberri stjórnsýslu æskileg.
• Góð samskipta- og leiðtogahæfni.
• Afar góð greiningarhæfni og færni í notkun upplýsingatækni.
• Frumkvæði og metnaður til að ná árangri í starfi.

Með umsókn um starfið þarf að fylgja ítarleg starfs­ferl­is­skrá og kynn­ing­ar­bréf þar sem gerð er grein fyrir ástæðu umsóknar og rökstuðn­ingur fyrir hæfni viðkom­andi í starfið. Með vísan til laga um jafnan rétt kynjanna eru konur jafnt sem karlar hvattar til að sækja um starfið.

Umsóknarfrestur er til og með 30. september næstkomandi.