Neyðarkallinn - bæjarstjóri veitir styttunni móttöku

Sævar Freyr Þráinsson, bæjarstjóri á Akranesi tók á móti styttu björgunarsveitanna á s.l. föstudag. Það var Sigrún Guðný Pétursdóttir, frá Björgunarfélagi Akraness sem afhenti Sævari styttuna sem er að þessu sinni af björgunarsveitarkonu. Hefð er fyrir því að Akraneskaupstaður kaupi stóru útgáfuna af styttunni til styrktar Björgunarfélaginu og því góða starfi sem þar fer fram.