Einu sinni var...Sumarlestur 2018

Einu sinni var...Sumarlestur 2018

Sumarlestur Bókasafns Akraness er lestrarhvetjandi verkefni fyrir börn á aldrinum 6 – 12 ára. Markmiðið með sumarlestri er að hvetja börn til lesturs, til að njóta góðra bóka og ekki síður til að viðhalda og auka færni sína í lestri milli skólaára. 

Þema í ár er Ísland 1918-2018. Þegar börnin skrá sig til þátttöku í sumarlesturinn fá þau afhenta lestrardagbók. Í hana skrá þau þær bækur sem þau lesa í sumar. Börnin fá stimpil í dagbókina sína og setja „bókamiða“ á Íslandskortið.

Bókasafnið verður í samstarfi við Skessuhornið, sem birtir vikulega stutt viðtal við Lesara vikunnar, meðan á lestri stendur. Sumarlestrinum lýkur formlega 15. ágúst kl. 14:00 með „Húllum-hæ“ hátíð í Bókasafni Akraness.

Skráning

Börnin skrá sig til leiks frá 1. júní og skráningu á lestrinum lýkur 11. ágúst. Sumarlestur er ókeypis, skráning er nauðsynleg og foreldrar eru beðnir um að fylgjast með að bókum sé skilað á réttum tíma, svo koma megi í veg fyrir vanskilasektir. 

Þetta er í 13 sinn sem Bókasafn Akraness stendur fyrir Sumarlestri.