Fréttasafn

Bæjarráð samþykkti á fundi sínum 4. október síðastliðinn að settur yrði upp hreystigarður fyrir fullorðna sem staðsettur yrði á Langasandssvæðinu, fyrir neðan Akraneshöllina þar sem m.a. ærslabelgurinn er staðsettur. Hreystigarðurinn verður útbúinn átta hreystitækjum með gervigras sem undirlag og gróður í kring til skjól- og rýmismyndunar.

Fyrsta skóflustungan á byggingu nýs íbúðarkjarna á Asparskógum á Akranesi var tekin kl. 10 í morgun þann 4. október. Það er Bjarg íbúðafélag sem byggir 33 leiguíbúðir á svæðinu og er reiknað með að afhending til leigutaka verði í tvennu lagi eða þann 1. júní og 1. júlí 2019. Akraneskaupstaður fær átta íbúðir til ráðstöfunar í íbúðarkjarnanum.

Akranesviti verður lokaður að hluta til í dag vegna upptöku tónlistar innan vitans. Hópur frá Bandaríkjunum undir heitinu „Apartment sessions" kemur þar saman til að flytja og taka upp tónlist frá öllum heimshornum. Hópurinn samanstendur af 40 einstaklingum sem eru nú öll komin til Íslands í þeim tilgangi að....

Akranes verður með lið í spurningakeppni á milli sveitarfélaga í sjónvarpsþættinum Útsvari á RÚV. Bein útsending frá spurningakeppni sveitarfélaga sem fer nú fram tólfta árið í röð og í þetta sinn verður keppnin snarpari en áður og lýkur með úrslitum í janúar. Þátttakendur í vetur eru lið frá þeim sveitarfélögum sem komist hafa í úrslit síðustu ár, eða oftast komist nálægt því.

Gatnaframkvæmdir eru hafnar við Esju- og Kalmansbraut þar sem verið er að endurgera hringtorgið Kalmanstorg, útbúa nýjan göngustíg norðan við Esjubraut og lagfæra yfirborð á Esjubrautar til austurs frá Kalmanstorgi að Esjutorgi. Samhliða þessum framkvæmdum munu Veitur endurnýja hitaveitu, vatnsveitu, fráveitu og rafveitu.

Bæjarstjórn Akraness samþykkti þann 25. september 2018 að auglýsa lýsingu vegna breytinga á aðalskipulagi Akraness 2005-2017 vegna Grenja H3 hafnarsvæði skv. 1. mgr. 30 gr. skipulagslaga nr. 123/2010. Breytingin felst í nánari skilgreiningu þeirrar starfsemi sem heimil verður á Grenjum H3 hafnarsvæði.

Vegna fjölda fyrirspurna eftir endurbirtingu auglýsingar um starfs verkefnastjóra um liðna helgi hefur verið ákveðið að framlengja umsóknarfrest starfsins til og með 3. október.

Daganna 19.-21. september síðastliðinn komu á vinnufund til Akraness samstarfsaðilar bæjarins í Norrænu verkefni ásamt ráðgjöfum. Þetta er tveggja ára verkefni á vegum Norrænu ráðherranefndarinnar og nefnist

Á 1279. fundi bæjarstjórnar Akraness þann 25. september 2018 var eftirfarandi ályktun samþykkt: Bæjarstjórn Akraness harmar og mótmælir kröftuglega ákvörðun VÍS um lokun starfsstöðva félagsins á landsbyggðinni. Bæjarstjórn Akraness skorar á fyrirtækið að endurskoða ákvörðun sína.

Á 1279. fundi bæjarstjórnar Akraness þann 25. september 2018 var eftirfarandi ályktun samþykkt: Bæjarstjórn Akraness fagnar þeim merkisáfanga sem verður í lok þessa mánaðar, þegar Spölur skilar Hvalfjarðargöngum fullfjármögnuðum til ríkisins tuttugu árum eftir að göngin voru opnuð til umferðar þann 11. júlí 1998.