Myndasafn Akraneskaupstaðar

Þann 18. maí 2018 undirrituðu Sævar Freyr Þráinsson bæjarstjóri Akraness, Guðrún Sigríður Gísladóttir frá Vinnumálastofnun Vesturlands, Inga Dóra Halldórsdóttir frá Starfsendurhæfingu Vesturlands, Hafdís Fjóla Ásgeirsdóttir frá Símenntunarmiðstöð Vesturlands og Þórður Már Gylfason frá Sansa veitingar ehf. viljayfirlýsingu þess efnis að kanna leiðir til samstarfs í atvinnumálum fólks með skerta starfsgetu á Akranesi. Viðstödd athöfnin voru Ásmundur Einar Daðason félags- og jafnréttismálaráðherra, bæjarfulltrúar og embættismenn Akraneskaupstaðar.

Opinn fundur um samgöngumál á Vesturlandi sem var haldinn miðvikudaginn 24. janúar síðastliðinn frá kl. 18:00 til 20:00 í Tónbergi, sal Tónlistarskólans á Akranesi. Ljósmyndir tók Jónas Ottósson.

Hugmyndarvinna starfshóps um uppbyggingu Jaðarsbakkasvæðis um hugsanlega framtíðarsýn svæðisins.

Á Vökudögum í ár var sérstök áhersla lögð á barnamenningu. Bókasafnið á Akranesi hlaut sérstakan styrk frá Samtökum Sveitarfélaga á Vesturlandi til barnamenningarhátíðar fyrir svæðið sunnan Skarðsheiðar sem er hluti af áhersluverkefni undir Sóknaráætlun Vesturlands. Verkefnið var unnið með miðstigum grunnskólanna þriggja á svæðinu og þá sérstaklega með 6. bekkjum skólanna. Þema verkefnisins er Bókmenntir og listir tengt svæðinu og hafa börnin unnið að margskonar sköpun í skólanum það sem af er þessu skólaári. Á Vökudögum var sköpun barnanna sett fram í þremur mismunandi sýningum og voru fjórar listasmiðjur haldnar í tengslum við sýningarnar. Þá hélt Improv Ísland spunaleikhópurinn sérstakar sýningar í Bíóhöllinni á Akranesi fyrir miðstig skólanna. Í verkefninu var unnið með barnamenningu út frá þremur megin stoðum: - Menning sköpuð af börnum - Menning með börnum - Menning fyrir börn

Akranes var heiðursgetur á Menningarnótt þann 19. ágúst 2017. Af gefnu tilefni komu bæjarlistamenn og matvælaframleiðendur saman og kynntu afurðir sínar við dásamlegt veður og fjölmenni á Sjóminjasafninu. Ljósmyndir tók Jónas Ottósson.