Fréttasafn

Bæjarráð Akraness samþykkti á fundi sínum þann 12. apríl síðastliðinn að láta fara fram ráðgefandi skoðanakönnun meðal íbúa Akraness um framtíð sementsstrompsins á Akranesi. Hægt verður að kjósa til og með 24. apríl næstkomandi og verður niðurstaða kosningarinnar lögð fyrir bæjarráð þann 26. apríl.

Vegna konukvöld Knattspyrnufélagsins verða þreksalir að Jaðarsbökkum lokaðir frá kl. 19:00 í dag þann 18. apríl og sömuleiðis vegna karlakvölds Knattspyrnufélagsins föstudaginn 20. apríl frá kl. 19:00. Íþróttamiðstöðin á Jaðarsbökkum er síðan opin á sumardaginn fyrsta þann 19. apríl frá kl. 9-18. þróttahúsið á Vesturgötu er lokað þennan dag.

Í dag þann 17. apríl hefjast framkvæmdir við niðurrekstur staura vegna fjölbýlishúss við Stillholt 21. Um er að ræða 115 staura sem reknir eru niður með höggorku.

Útboði er lokið. Um er ræða leigu á landi í Kalmansvík sem nýtt er til reksturs tjaldsvæðis. Árlegur opnunartími á tjaldsvæðinu er að öllu jöfnu frá 1. maí til 1. október ár hvert. Stefnt er að nýr leigutaki taki við svæðinu fyrir opnun í ár. Samningstímabil er tvö ár og er gefinn kostur á framlengingu óski leigutaki/leigusali eftir því.

Fréttin uppfærð 18. apríl 2018: Faxabrautin verður lokuð lengur en fram kemur í fyrri frétt hér fyrir neðan. Send verður út sérstök tilkynning þegar hún opnar á ný. Verktaki er vinnur að niðurrifi Sementsverksmiðjunnar áformar að taka niður efnisgeymslu Sementsverksmiðjunnar næstu daga.

Um áramót voru gerðar breytingar á tómstundaframlagi Akraneskaupstaðar vegna frístundaiðkunar barna og unglinga á aldrinum 6-18 ára sem hafa lögheimili á Akranesi. Framlagið var hækkað og er tómstundaframlagið kr. 35.000 fyrir eitt barn, kr. 39.375 fyrir tvö börn og kr. 44.479 fyrir þrjú eða fleiri.

Að undanförnu hefur verið unnið að mótun menningarstefnu Akraneskaupstaðar og er stefnt að því að ný stefna líti dagsins ljós í næsta mánuði. Forstöðumaður menningar- og safnamála hefur stýrt verkefninu fyrir hönd menningar- og safnanefndar sem hefur unnið að verkefninu frá upphafi. Þá hafa ýmsir aðilar úr stjórnsýslu og menningarstofnunum kaupstaðarins jafnframt komið að vinnunni auk ráðgjafa frá Expectus.

1272. fundur bæjarstjórnar Akraness verður haldinn í bæjarþingsalnum að Stillholti 16-18, þriðjudaginn 10. apríl kl. 17:00. Fundirnir eru öllum opnir og eru bæjarbúar hvattir til að mæta og kynna sér bæjarmálin. Vakin er athygli á því að hægt er að hlusta á fundinn á FM 95,0.

Atvinnuvega- og nýsköpunarráðuneytið hefur veitt Akraneskaupstað styrkveitingu úr Framkvæmdasjóði ferðamannastaða samtals 11,1 milljónir króna vegna verkefnisins „Vitastígur á Breið“.

Útboði er lokið. Akraneskaupstaður leitar eftir kauptilboðum í byggingarrétt á fjórum lóðum á Dalbrautarreit á Akranesi þ.e. lóðunum Dalbraut 4, Dalbraut 6, Þjóðbraut 3 og Þjóðbraut 5. Byggingarréttur á hverri lóð fyrir sig er boðinn til sölu.