Menningarmála- og safnanefnd (2000-2008)
Mættir: Magnús Þór Hafsteinsson, formaður
Hjördís Garðarsdóttir
Varamaður: Hrönn Ríkharðsdóttir
Auk þeirra, Jón Pálmi Pálsson, bæjarritari sem einnig ritaði fundargerð.
Formaður setti fundinn og bauð nýja nefnd velkomna til síns fyrsta fundar á kjörtímabilinu.
Fyrir tekið:
1. Kynning á verksviði menningarmála- og safnanefndar.
Bæjarritari kynnti helstu verkefni nefndarinnar og hvernig að þeim hefur verið staðið undanfarin ár, einnig kynnti hann fjárhagsáætlun ársins og stöðu bókhalds m.t.t. stöðu þess miðað við fjárhagsáætlun.
2. Kynning á starfsemi Bókasafns Akraness, skjalasafni og ljósmyndasafni.
Halldóra Jónsdóttir kynnti starfsemi safnsins og kynntu nefndarmenn sér síðan innviði hússins.
3. Kynning á Írskum dögum og Vökudögum.
Bæjarritari kynnti undirbúning Írskra daga og það fyrirkomulag sem verið hefur við Vökudaga undanfarin ár.
4. Byggðasafnið að Görðum (skoðunarferð kl. 18:00).
Í lok fundar fóru nefndarmenn í skoðunarferð um Byggðasafnið að Görðum undir leiðsögn Ingibjargar Gestsdóttur og Hjördísar Garðarsdóttur. Einnig var rætt um möguleika á samstarfi við stjórn Byggðasafnsins í málefnum sem nefndirnar vinna að.
5. Fundarboð nefndarinnar.
Menningarmála- og safnanefnd samþykkir að fundarboð skuli einnig sent varamönnum í þeim tilvikum sem boðað er til fundar. Í þeim tilfellum sem aðalmenn geti ekki mætt til fundar hefur hann milligöngu um að varamaður mæti í hans stað.
Fleira ekki gert, fundi slitið kl. 19:30.
