Brekkubæjarskóli - lausar stöður stuðningsfulltrúa og störf við sérdeild
Lausar eru til umsóknar, 75% stöður stuðningsfulltrúa og 100% og 50% stöður við sérdeild Brekkubæjarskóla. Launakjör eru samkvæmt kjarasamningum Sambands íslenskra sveitarfélaga við viðkomandi stéttarfélag.
Helstu verkefni og ábyrgð
Stuðningsfulltrúi/starf í sérdeild er kennara, þroskaþjálfa, iðjuþjálfa til aðstoðar við að sinna einum eða fleiri nemendum sem þurfa sérstaka aðstoð. Starfið miðar fyrst og fremst að því að auka færni og sjálfstæði nemenda, félagslega, námslega og í daglegum athöfnum. Stuðningsfulltrúi starfar innan árganga og skólastiga. Verkefni eru meðal annars:
- Aðstoðar nemendur við daglegar athafnir og þátttöku í skólastarfi.
- Aðstoðar nemendur við að ná settum viðmiðum samkvæmt skólanámsskrá/ einstaklingsnámskrá undir leiðsögn kennara, þroskaþjálfa, iðjuþjálfa og/eða deildarstjóra stoðþjónustu.
- Leitast við að styðja nemendur í félagslegum samskiptum í skólastarfinu.
- Styður og/eða fylgir einum eða fleiri nemendum eftir á ferðum þeirra um skólann, í frímínútum og vettvangsferðum.
Menntun og hæfniskröfur
- Færni í samskiptum, lipurð, sveigjanleiki og jákvæðni.
- Frumkvæði í starfi og faglegur metnaður.
- Sjálfstæð og skipulögð vinnubrögð og stundvísi.
Sótt er um rafrænt á heimasíðu Akraneskaupstaðar eða í þjónustuveri bæjarins að Stillholti 16-18, 1. hæð. Umsóknarfrestur er til og með 3. ágúst næstkomandi. Nánari upplýsingar um starfið veitir Arnbjörg Stefánsdóttir skólastjóri, arnbjorg.stefansdottir@brekkubaejarskoli.is
