Forsíða/Bæjarráð/Bæjarráð - 3041. fundur - 30.06.2009

Bæjarráð

3041. fundur 30. júní 2009 kl. 16:00 í fundarherbergi 1, Stillholti 16-18

Fundargerð ritaði: Ragnheiður Þórðardóttir deildarstjóri þjónustudeildar

Dagskrá

1.Breyting á nefndarskipan.

906177

Bréf Rúnar Halldórsdóttur, dags. 24.06.2009, þar sem tilkynnt er um breytingu á nefndarskipan í stjórn Akranesstofu, í stað Rúnar Halldórsdóttur verður Þröstur Þór Ólafsson.

Bæjarráð staðfestir breytinguna.

2.Styrkbeiðni Jafnréttisstofu - þjálfun kennara.

906174

Bréf Jafnréttisstofu, dags. 25.06.2009, þar sem óskað er eftir styrk að upphæð kr. 800.000.- til þjálfunar kennara í kennslu á námskeiðum sem byggja á samþættingu íslenskukennslu og samfélagsfærni.

Bæjarráð getur ekki orðið við erindinu.

3.Endurgreiðsla vsk. vegna slökkvibifreiða og tækjabúnaðar slökkviliða.

811152

Bréf Sambands íslenskra sveitarfélaga, dags. 19.06.2009, varðandi endurgreiðslu vsk. vegna kaupa á slökkvibifreiðum og búnaði slökkviliðs á árinu 2008 og vegna frestunar á endurgreiðslu vsk. frá fyrra ári

Lagt fram.

4.Viðbragðsáætlun vegna inflúensufaraldurs

906143

Bréf menntamálaráðuneytisins, dags. 15.06.2009. tilkynning um undirbúning viðbragsáætlana vegna inflúensufaraldurs. Ýmsar upplýsingar um heimsfaraldur inflúensu er að finna á www.influensa.is og www.almannavarnir.is.

Lagt fram.

5.Viðhald vega.

906021

Bréf Samtaka sveitarfélaga á Vesturlandi, dags. 16.06.2009, varðandi frumvarp til vegalaga.

Lagt fram.

6.SSV - aðalfundarboð 27.- 28. ágúst 2009

906149

Bréf Samtaka sveitarfélaga á Vesturlandi, ódags., þar sem boðað er til aðalfundar sem haldinn verður í Reykholti dagana 27. og 28. ágúst 2009.

Lagt fram.

7.Þakkarbréf - boðsbréf Tórshavnar kommuna.

906176

Bréf bæjarstjóra Tórshavnar kommuna, dags. 23.06.2009, þar sem þakkað er fyrir góðar viðtökur 11. júní s.l. jafnframt því að bjóða fulltrúum Akraneskaupstaðar til heimsóknar í september/október 2009 eða 2010.

Lagt fram.

8.Breyting á nefndarskipan.

906177

Bréf Rúnar Halldórsdóttur, dags. 24.06.2009 þar sem tilkynnt er um breytingu á nefndarskipan í fulltrúaráði FVA, í stað Hjördísar Garðarsdóttur verður Inga Nína Sigríður Jóhannsdóttir.

Bæjarráð staðfestir breytinguna.

9.Fundargerðir skipulags- og umhverfisnefndar 2009.

902034

Fyrir fundinum liggur fundargerð 11. fundar frá 18.06.2009.

Bæjarrráð staðfestir byggingarhluta fundargerðarinnar. Aðrir töluliðir lagðir fram.

10.Café Mörk - opnunartími yfir Írska daga 2009.

906172

Bréf Jósa ehf., dags. 25.06.2009, þar sem óskað er eftir lengri opnunartíma á Café Mörk vegna Írskra daga.

Bæjarráð felur bæjarstjóra að afgreiða erindið.

11.Fundargerðir framkvæmdaráðs 2009.

906098

Fyrir fundinum liggur fundargerð 13. fundar frá 23.06.2009.

Lögð fram.

12.Fundargerðir fjölskylduráðs 2009.

906097

Fyrir fundinum liggja fundargerðir 13., 14. og 15. funda frá 16.09., 19.06. og 25.06.2009.

Lagðar fram.

13.Faxaflóahafnir sf. - fundargerðir 2009.

901068

Fyrir fundinum liggur fundargerð 63. fundar frá 26.06.2009.

Lögð fram.

14.Gjaldskrá Slökkviliðs Akraness og Hvalfjarðarsveitar.

906184

Bréf fjármálastjóra, dags. 30.06.2009, þar sem óskað er staðfestingar á meðfylgjandi gjaldskrá fyrir Slökkvilið Akraness og Hvalfjarðarsveitar.

Bæjarráð staðfestir gjaldskrána eins og hún liggur fyrir.

15.Samkeppni um nafn á hringtorgum.

905071

Bréf skipulags- og umhverfisnefndar, dags. 30.06.2009, varðandi tillögur sem bárust í samkeppni um nafn á hringtorgum.

Bæjarráð samþykkir fyrirliggjandi tillögur skipulags- og umhverfisnefndar.

Framkvæmdastofu falið að sjá um merkingu á torgunum.

16.Gangbrautarljós á Ketilsflöt

906167

Bréf skipulags- og umhverfisnefndar, dags. 30.06.2009. Nefndin leggur til að sett verði upp tvenn götuljós á Ketilsflöt ásamt nauðsynlegum hraðahindrunum. Unnið er að kostnaðarmati hjá Framkvæmdastofu og verður það lagt fyrir bæjarráð um leið og það liggur fyrir.

Lagt fram.

17.Húsverndunarsjóður 2009

904107

Bréf skipulags- og umhverfisnefndar, dags. 30.06.2009, varðandi áður kynntar umsóknir úr Húsverndunarsjóði 2009. Nefndin leggur til við bæjarstjórn að styrkur að upphæð kr. 500.000.- verði veittur eigendum að Deildartúni 3.

Bæjarráð staðfestir tillögu skipulags- og umhverfisnefndar.

18.Flóahverfi - gatnagerð og lagnir.

810068

Bæjarráð samþykkir að fela framkvæmdastjóra Framkvæmdastofu að leita samkomulags við Skófluna hf. um breytingu á samningi aðila um framkvæmdir í Flóahverfi, um að fella út úr verksamningi verkþátt er varðar malbikun í Flóahverfi.

19.Yfirvinnugreiðslur starfsmanna Akraneskaupstaðar.

906076

Bréf lögmanns Bandalags háskólamanna, dags. 25.06.2009, varðandi lækkun á fastri yfirvinnu.

Lagt fram.

20.Írskir dagar 2009.

906186

Til viðræðna mætti Tómas Guðmundsson, verkefnastjóri Akranesstofu.

Tómas kynnti dagskrá Írskra daga 2009.

Bæjarráð samþykkir að tvöfalda gjaldtöku á tjaldsvæði við Kalmansvík á Írskum dögum og að auknar tekjur renni til Akraneskaupstaðar.

Bæjarstjóra falið að gera verkefnastjóra Akranesstofu og umsjónarmanni tjaldsvæðisins grein fyrir ákvörðuninni. Jafnframt verði gerðar ráðstafanir vegna þrifa á tjaldsvæðinu.

Gert er ráð fyrir 1150 þús.kr. til gæslu á tjaldsvæðinu. Þar af er 600 þús.kr. vísað til endurskoðunar fjárhagsáætlunar.

21.Rekstraruppgjör - Framkvæmdastofa

906141

Bréf framkvæmdaráðs, dags. 25.06.2009, varðandi rekstraruppgjör Framkvæmdastofu. Málinu var vísað til bæjarráðs og Aðalskrifstofu til skoðunar og umfjöllunar.

Lagt fram.

22.Rekstraryfirlit 2009.

906159

Rekstraryfirlit Akraneskaupstaðar frá janúar til apríl 2009.

Lagt fram.

23.Fjárhagsáætlun 2009 - endurskoðun.

904012

Bréf vinnuhóps um endurskoðun fjárhagsáætlunar 2009, dags. 29.06.2009. Tillögur um endurskoðun áætlunar.

Lagt fram.

24.Endurfjármögnun lána.

906083

Bréf vinnuhóps um endurskoðun fjárhagsáætlunar 2009, dags. 29.06.2009, varðandi endurfjármögnun lána.

Lagt fram.

25.Innkaupastefna Akraneskaupstaðar.

811111

Bréf framkvæmdaráðs, dags. 25.06.2009, varðandi innkaupastefnu Akraneskaupstaðar. Framkvæmdaráð gerði ekki efnislega athugasemdir við texta í fyrirliggjandi drögum.

Bæjarráð samþykkir að fela starfshópi um endurskoðun fjárhagsáætlunar að gera tillögur um viðmiðunarfjárhæðir í reglunum.

26.Tilkynning vegna afleiðu- og gjaldeyrisviðskipta við Landsbanka Íslands hf.

902031

Innheimtubréf lögfræðisviðs Landsbanka Íslands, dags. 24.06.2009, vegna afleiðuviðskipta.

Jóhannes Karl Sveinsson hjá Landslögum ehf. hefur afleiðuviðskipti kaupstaðarins til meðferðar, bæjarráð felur honum að svara innheimtubréfi LÍ.

27.Yfirvinnugreiðslur starfsmanna Akraneskaupstaðar.

906076

Bréf Starfsmannafélags Reykjavíkurborgar, dags. 24.06.2009, þar sem mótmælt er harðlega þeirri aðferðafræði sem beitt var við lækkun kjara starfsmanna. Meðfylgjandi er umboð starfsmanna Akraneskaupstaðar til handa Starfmannafélagi Reykjavíkurborgar.

Lagt fram.

28.Styrkir til afreksmanna.

906071

Afhending styrkja til þriggja afreksmanna skv. samþykkt bæjarráðs: Valdís Þóra Jónsdóttir (golf), Inga Elín Cryer (sund) og Ingólfur Eðvarðsson (alþjóðleg stærðfræðikeppni).

Bæjarráð Akraness óskar afreksmönnunum alls hins besta á framabrautinni.

29.Yfirvinnugreiðslur starfsmanna Akraneskaupstaðar.

906076

Bréf formanns Verkalýðsfélags Akraness, dags. 25.06.2009, þar sem harðlega er gagnrýnt uppsetning og orðaval í bréfi til starfsmanna Akraneskaupstaðar vegna niðurskurðar á fastri yfirvinnu.

Lagt fram.

30.Krókalón - lóðamál vegna deiliskipulags

903112

Bréf Kára Haraldssonar, dags. 19.06.2009, varðandi áætlaðan fund með skipulags- og umhverfisnefnd. Meðfylgjandi eru ýmis atriði sem Kári vill koma á framfæri varðandi framkvæmdir við Krókalón s.s. tillögur íbúa.

Bæjarráð hefur ekki í hyggju að breyta staðfestu aðal- eða deiliskipulagi á umræddu svæði. Landslögum er falið að svara fyrirspurnum bréfritara.

31.Krókalón - lóðamál vegna deiliskipulags

903112

Bréf Kára Haraldssonar, dags. 24.06.2009, þar sem óskað er eftir upplýsingum varðandi m.a. eftirfarandi: væntanlegt eignarnám, kauptilboð í lóðir við Krókalón, fjölda aðila sem eru með og á móti framkvæmdunum og verkáætlun um uppkaup á lóðum.

Bæjarráð samþykkir að fela Landslögum að svara fyrirspurnum bréfritara.

32.Krókalón - lóðamál vegna deiliskipulags

903112

Umsögn Landslaga, dags. 16.06.2009, varðandi væntanlegt eignarnám Akraneskaupstaðar á hluta af eignarlóðum við Krókatún 22-24 og Vesturgötu 93, 97, 101 og 103, Akranesi.

Lögð fram.

33.Samkeppniseftirlitið - skipulagsmál og samkeppni.

906170

Bréf Samkeppniseftirlitsins, dags. 24.06.2009, þar sem óskað er eftir sjónarmiðum og athugasemdum við meðfylgjandi kafla skýrslunnar Öflug uppbygging - Opnun markaða og efling atvinnustarfa þar sem fjallað er um skipulagsmál og samkeppni.

Bæjarráð samþykkir að fela framkvæmdastjóra Skipulags-og umhverfisstofu að svara umræddri beiðni um upplýsingar.

34.Frestun fráveituframkvæmda á Akranesi.

906146

Bréf Orkuveitu Reykjavíkur, dags. 16.06.2009, varðandi frestun framkvæmda fráveitukerfa á Vesturlandi.

Lagt fram. Bæjarráð staðfestir ákvörðun um frestun fráveituframkvæmda samkvæmt efni þess.

35.Ársreikningar - meðferð og afgreiðsla.

905066

Bréf samgönguráðuneytisins, dags. 18.06.2009.
Ítrekun um skil ársreikninga eigi síðar en 14 dögum frá dagsetningu þessa bréfs. Frestur til skila rann út 15. júní sl.

Bæjarstjóra falið að gera skil á ársreikningum til samgönguráðuneytisins.

36.Útboð tölvumála Akraneskaupstaðar

810021

Bréf Umboðsmanns Alþingis, dags. 19.06.2009, varðandi erindi Eyjólfs Rúnars Stefánssonar vegna ákvörðunar samgönguráðuneytisins um útboð tölvuþjónustu Akraneskaupstaðar.

Bæjarráð felur bæjarstjóra að upplýsa Umboðsmann Alþingis um samþykkt bæjarráðs sem kynnt var á fundi bæjarstjórnar 9. júní sl. um að bæjarstjóra sé falinn undirbúningur útboðs banka- og tölvuþjónustu Akraneskaupstaðar.

Fundi slitið.