Bæjarráð
Dagskrá
1.Flóasiglingar
1501150
Tillaga um ferjusiglingu milli Akraness og Reykjavíkur.
Bæjarráð samþykkir að auglýsa tilraunaverkefni Reykjavíkurborgar og Akraneskaupstaðar um beina siglingu 50 til 100 manna ferju milli sveitarfélaganna sumarið 2017. Gert er ráð fyrir útgjöldunum í fjárhagsáætlun 2017.
2.Úrræði til styttingar á biðlistum í heilbrigðiskerfinu
1702090
Vegna fjölmiðlaumræðu um langa biðlista eftir bæklunaraðgerðum vill bæjarráð vekja athygli á vannýttum möguleikum á Heilbrigðisstofnun Vesturlands á Akranesi (HVE).
3.Starfslok bæjarstjóra
1702088
Regína Ásvaldsdóttir bæjarstjóri hefur fengið nýtt starf sem sviðsstjóri velferðarsviðs Reykjavíkurborgar.
Bæjarráð óskar Regínu Ásvaldsdóttur bæjarstjóra til hamingju með nýtt starf og þakkar henni fyrir farsælt, ánægjulegt og árangursríkt samstarf.
Bæjarráð felur formanni bæjarráðs og bæjarstjóra að ákvarða í sameiningu tímasetningu starfsloka.
Bæjarráð felur formanni bæjarráðs og bæjarstjóra að ákvarða í sameiningu tímasetningu starfsloka.
4.Baugalundur 1,3,5,7,9 og 11 - umsókn um byggingarlóðir
1701169
Umsókn Sjamma ehf. um byggingarlóðir að Baugalundi 1, 3, 5, 7, 9 og 11.
Bæjarráð samþykkir úthlutun lóðanna til Sjamma ehf. samkvæmt núverandi deiliskipulagi.
Vegna hugmynda umsækjanda um deiliskipulagsbreytingar er þeim þætti málsins vísað til skipulags- og umhverfissviðs og sviðsstjóra falið að yfirfara málið frekar með umsækjanda og skipulagshöfundi svæðisins.
Vegna hugmynda umsækjanda um deiliskipulagsbreytingar er þeim þætti málsins vísað til skipulags- og umhverfissviðs og sviðsstjóra falið að yfirfara málið frekar með umsækjanda og skipulagshöfundi svæðisins.
5.Starfshópur um byggingu búsetukjarna fyrir fatlað fólk á Akranesi
1603057
Erindi starfshóps um byggingu búsetukjarna fyrir fatlað fólk á Akranesi. Ingibjörg Pálmadóttir hefur óskað eftir að láta af störfum í starfshópnum og hennar í stað tekur Anna Þóra Þorgilsdóttir sæti. Óskað er eftir samþykki bæjarráðs fyrir þessum breytingum.
Bæjarráð samþykkir að Anna Þóra Þorgilsdóttir taki sæti Ingibjargar Pálmadóttur í starfshópnum.
6.Rekstrarumhverfi einkarekinna fjölmiðla - beiðni um tillögur
1701291
Nefnd um rekstrarumhverfi einkarekinna fjölmiðla. Afgreiðslu erindisins var frestað á fundi bæjarráðs þann 26. janúar síðastliðinn.
Að mati bæjarráðs Akraness er frjáls fjölmiðlun mikilvæg og ekki síst staðbundnir fjölmiðlar utan höfuðborgarsvæðisins sem gegna því hlutverki að miðla upplýsingum og tryggja lýðræðislega umræðu.
Bæjarráð telur því koma til greina að veita slíkum fjölmiðlum opinbera styrki eins og gert er víða á Norðurlöndum. Staðbundnir fjölmiðlar eru sérstaklega mikilvægir á stöðum eins og á Akranesi og reyndar á Vesturlandi öllu þar sem svæðið hefur ekki sama aðgang að Ríkisútvarpinu og önnur byggðarlög sem eru með fasta starfsmenn RÚV, svo sem á Vestfjörðum, á Akureyri og á Egilsstöðum.
Bæjarráð telur því koma til greina að veita slíkum fjölmiðlum opinbera styrki eins og gert er víða á Norðurlöndum. Staðbundnir fjölmiðlar eru sérstaklega mikilvægir á stöðum eins og á Akranesi og reyndar á Vesturlandi öllu þar sem svæðið hefur ekki sama aðgang að Ríkisútvarpinu og önnur byggðarlög sem eru með fasta starfsmenn RÚV, svo sem á Vestfjörðum, á Akureyri og á Egilsstöðum.
7.Verkfall sjómanna
1702081
Ályktun bæjarráðs Akraness vegna yfirstandandi sjómannaverkfalls.
Bæjarráð Akraness lýsir yfir þungum áhyggjum af yfirstandandi sjómannaverkfalli og hvetur samningsaðila til að ná sáttum án tafar. Verkfallið hefur þegar haft alvarleg áhrif á einstaklinga, heimili og fyrirtæki á Akranesi og á íslenskt samfélag í heild sinni.
8.Fjölís - endurskoðun samninga
1702064
Erindi Sambandsins um endurskoðun samninga við Fjölís.
Lagt fram.
9.Starfsendurhæfing Vesturlands - leiga á húsnæði við Suðurgötu 57
1402250
Erindi velferðar- og mannréttindaráðs um leigusamning Akraneskaupstaðar og Starfsendurhæfingar Vesturlands um afnot af húsnæði að Suðurgötu 57.
Bæjarráð samþykkir fyrir sitt leyti fyrirliggjandi leigusamning og felur bæjarstjóra frekari úrvinnslu málsins.
10.Framtíðaruppbygging íþróttamannvirkja á Akranesi
1611077
Kynningarfundur með íbúum í nágrenni við hugsanlegt fimleikahús á Vesturgötu.
Íbúum í nágrenni íþróttahússins við Vesturgötu var boðið á fundinn og þeim kynntar hugmyndir um hugsanlega viðbyggingu við íþróttahúsið til að nýta fyrir fimleikahús.
Bæjarráð þakkar gestum fundarins fyrir komuna, góðar umræður og margar þarfar ábendingar.
Bæjarráð þakkar gestum fundarins fyrir komuna, góðar umræður og margar þarfar ábendingar.
11.Heimildarmynd um Snorra Magnússon ungbarnasundkennara frá Akranesi
1702025
Styrkumsókn vegna gerðar heimildamyndar um Snorra Magnússon ungbarnasundkennara.
Bæjarráð bendir umsækjendum á að sækja um í Uppbyggingarsjóð Vesturlands hjá Samtökum sveitarfélaga á Vesturlandi en það er réttur vettvangur fyrir umsóknir sem þessa.
12.Húsnæði Skagaleikflokksins
1702028
Uppsögn á húsnæði Skagaleikflokksins að Mánabraut 20.
Lagt fram til kynningar.
13.Stuttmynd - styrkbeiðni vegna útskriftar
1701336
Styrkbeiðni Bjartmars Einarssonar vegna stuttmyndar sem er útskriftarverkefni hans.
Bæjarráð bendir umsækjendum á að sækja um í Uppbyggingarsjóð Vesturlands hjá Samtökum sveitarfélaga á Vesturlandi en það er réttur vettvangur fyrir umsóknir sem þessa.
14.Þjónustuborð fyrir þjónustuver
1701282
Beiðni um kaup á nýju Þjónustuborði fyrir þjónustuver bæjarskrifstofunnar.
ÞG víkur af fundi undir þessum lið.
Bæjarráð samþykkir að heimila kaup á þjónustuborði í þjónustuver Akraneskaupstaðar í samræmi við fyrirliggjandi verðkönnun.
Fjármununum verður ráðstafað af liðnum óviss útgjöld 20830-4995.
Bæjarráð samþykkir að heimila kaup á þjónustuborði í þjónustuver Akraneskaupstaðar í samræmi við fyrirliggjandi verðkönnun.
Fjármununum verður ráðstafað af liðnum óviss útgjöld 20830-4995.
15.Mánaðarlegar skýrslur
1702063
Skýrsla fjármálastjóra sem inniheldur tölulegar upplýsingar um fjárhag Akraneskaupstaðar og fleira.
Bæjarráð þakkar fjármálastjóra, Þorgeiri Jónssyni og öðrum sem hafa komið að verkefninu fyrir greinargóðar upplýsingar.
16.Frumvörp og þingsályktunartillögur til umsagnar 2017
1702057
Drög að reglugerð um útlendingamál til umsagnar.
Drög að reglugerð um útlendingamál er vísað til velferðar- og mannréttindaráðs til kynningar.
17.Fundargerðir 2017 - Samband íslenskra sveitarfélaga
1701020
846. fundargerð Sambands íslenskra sveitarfélaga frá 27. janúar 2017.
Lagðar fram.
Fundi slitið - kl. 19:20.
