Bæjarráð

Bæjarráð samþykkir úthlutun byggingarlóðarinnar við Asparskóga 19 til umsækjanda.

Lagt fram.

Auglýsing um framboðsfrest til stjórnar Lánasjóðs sveitarfélaga hefur þegar verið komið á framfæri við alla bæjarfulltrúa í tölvupósti.

Fulltrúar Akraneskaupstaðar á landsþingi Sambands íslenskra sveitarfélaga verða bæjarfulltrúarnar Valgarður L. Jónson, Ragnar B. Sæmundsson, Rakel Óskarsdóttir og Sandra Sigurjónsdóttir. Varamenn, verði forföll einstakra bæjarfulltrúa, eru bæjarfulltrúarnir Gerður Jóhannsdóttir, Liv Aase Skarstad, Ólafur Adolfsson og Einar Brandsson. Auk bæjarfulltrúa sækir Sævar Freyr Þráinsson bæjarstjóri landsþingið.

Bæjarráð felur bæjarstjóra að svara erindi Nótastöðvarinnar um fasteignagjöld atvinnufyrirtækja á Akranesi.

Bæjarráð vill benda á að undanfarin tvö ár hafa bæjaryfirvöld lækkað álagningarprósentur bæði á atvinnuhúsnæði og íbúðahúsnæði á Akranesi til að mæta hækkun fasteignamats Þjóðskrár sem byggir á verðmæti eigna samkvæmt kaupsamningum. Þar með hefur markvisst verið dregið úr álögum vegna fasteignaskatta þó vissulega sé það rétt að umrædd gjöld hafi hækkað í krónutölu á milli ára.

Á hverju ári meta bæjaryfirvöld svigrúm vegna þessa skattstofns sveitarfélagsins. Rétt er einnig að geta þess sérstaklega að í samanburði við önnur sambærileg sveitarfélög er skattheimta á íbúðar- og atvinnuhúsnæði á Akranesi lág og er það staðfest í opinberum gögnum sbr. t.d. skýrslu Byggðastofnunar frá 15. ágúst 2018 um samanburð fasteignagjalda en frekari grein verður gerð fyrir þessu í væntanlegu svari Akraneskaupstaðar til Nótastöðvarinnar.

Bæjarráð óskar FEBAN innilega til hamingju með 30 ára afmælið og samþykkir að veita félaginu styrkveitingu samtals að fjárhæð kr. 500.000 árinu.

Viðbótarútgjöldum frá samþykktri fjárhagsáætlun til FEBAN vegna sérstakra viðburða, að fjárhæð kr. 200.000, verður mætt af liðnum 20830-4995.

Lagt fram.

Bæjarstjóra falið að tryggja að ákvörðun Persónuverndar verði framfylgt í hvívetna.

Sævar Freyr Þráinsson bæjarstjóri víkur af fundi.

Bæjarráð samþykkir úthlutun styrkja samkvæmt tillögu skóla- og frístundaráðs og menningar- og safnanefndar að fjárhæð kr. 7.140.850.

Bæjarráð felur sviðsstjóra stjórnsýslu- og fjármálasviðs að afla frekari upplýsinga.

Bæjarráð samþykkir að veita bæjarstjóra heimild til að ganga til samningaviðræðna við Opin kerfi um prentararekstur fyrir allar stofnanir Akraneskaupstaðar.

Bæjarráð samþykkir að fela skóla- og frístundaráði að móta tillögu um stofnun starfshóps um framtíðarskipulag mötuneytismála hjá Akraneskaupstað.

Bæjarráð óskar þess að tillaga um framangreint verði lögð fyrir næsta fundi ráðsins sem verður þann 28. febrúar næstkomandi.

Bæjarráð samþykkir úthlutun byggingarlóðarinnar við Asparskóga 21 til umsækjanda.

Bæjarráð felur bæjarstjóra að vinna umsögn um 509. mál um heilbrigðisstefnu til ársins 2030 og leggja fyrir bæjarstjórnarfund þann 26. febrúar næstkomandi.

Bæjarráð vísar erindinu til skipulags- og umhverfisráðs til afgreiðslu.

Bæjarráð samþykkir úthlutun byggingarlóðarinnar við Lækjaflóa 1 til umsækjanda.

Bæjarráð fagnar umsókn Veitna ohf. um lóð í Flóahverfi sem mun marka upphaf uppbyggingar í hverfinu en fyrirtækið stefnir að því að taka í notkun nýja starfsstöð á fyrrihluta árs 2020.

Bæjarráð heimilar veðsetningu tryggingabréfs sem fyrsta veðrétt á lóð Akraneskaupstaðar að Dalbraut 4, 300 Akranesi, landeignanúmer L227116, fasteignanúmer F25011, að fjárhæð 125.415.000 (eitthundraðtuttuguogfimmmilljónirfjögurhundruðogfimmtánþúsundkrónur), útgefið af Bestla þróunarfélag ehf., kt. 640518-1620, Akralind 8, 201 Kópavogi, til tryggingar skilvísri og skaðlausri greiðslu á skuldum þeim sem útgefandi kann að skulda Akraneskaupstað, kt. 410169-4449, vegna kaupa, sölu eða uppbyggingar á framangreindri lóð, eða hvers konar öðrum skuldum við Akraneskaupstað. sbr. m.a. 3. gr. samnings um úthlutun og uppbyggingu á lóðinni dags. 25. maí 2018 og samþykkt bæjarráðs frá 4. október 2018 um aðilaskipti að lóðinni.

Bæjarráð samþykkir jafnframt framangreindan samning frá 25. maí 2018 og veðsetningu tryggingarbréfs, útgefnu af Bestla þróunarfélag ehf., kt. 640518-1620, vegna fjármögnunar félagsins hjá Landsbankanum hf., kt. 471008-0280, að fjárhæð 850.000.000 (áttahundruðog fimmtíumilljónirkróna) á framangreinda lóð Akraneskaupstaðar á annan veðrétt með uppfærslurétti næst á eftir tryggingarbréfi til tryggingar greiðslu félagsins til Akraneskaupstaðar vegna uppbyggingarinnar o.fl.

Lagt fram en afgreiðslu málsins frestað.

Sævar Freyr Þráinsson víkur af fundi eftir þennan dagskrárlið.

Bæjarráð frestar afgreiðslu málsins og óskar frekari upplýsinga frá velferðar- og mannréttindaráði um áhrif á þann hóp sem nýtur umræddra réttinda og möguleg fjárhagsleg áhrif breytinganna miðað við samþykkta fjárhagsáætlun.

Bæjarráð samþykkir reglurnar og vísar þeim til umsagnar innan stjórnsýslunnar.

Ef engar efnislegar athugasemdir berast skal vísa reglunum til staðfestingar í bæjarstjórn þann 26. febrúar næstkomandi.

Drög að umsögn Velferðarstefnu Vesturlands lögð fram til umræðu á sameiginlegum dagskrárlið bæjarráðs, velferðar- og mannréttindaráðs, skóla- og frístundaráðs og skipulags- og umhverfisráðs sem fór fram í Tónbergi.

Samþykkt að vinna áfram sameiginlega að umsögninni og leggja hana fyrir á bæjarstjórn þann 26. febrúar næstkomandi.

Bæjarráð þakkar starfshópnum kærlega fyrir greinargóða kynningu og afar góða og faglega vinnu sem innt hefur verið að hendi af öllum hlutaðeigandi.

Fyrirséð er að framvinda fyrirhugaðrar uppbyggingar á Jaðarsbökkum mun ráðast af fjárhagslegri getu sveitarfélagsins og forgangsröðun verkefna. Bæjarráð leggur til að unnin verði greinargóð rekstaráætlun samhliða frekari uppbyggingu mannvirkja og felur bæjarstjóra að fylgja því máli eftir.

Ákvörðun um hvort bæjarráð óski eftir að starfshópurinn haldi áfram störfum eftir skil lokaskýrslu til að fylgja eftir tilteknum efnisþáttum verður tekin á síðari stigum.