Bæjarráð

Með vísan til ákvæða varðandi breytingu á fjármögnun á þjónustu við fatlað fólk í fyrirliggjandi samkomulagi á milli ríkis og sveitarfélaga, dags. 15. desember 2022, er byggir á breytingu á lögum um tekjustofna sveitarfélaga sem samþykkt var á Alþingi þann 16. desember 2023, samþykkir bæjarráð að álagningahlutfall útsvars fyrir árið 2024 hækki um 0,23% og verði 14,97% og vísar málinu til endanlegrar ákvörðunar bæjarstjórnar Akraness.

Samþykkt 3:0

Bæjarráð samþykkir viðauka nr. 15 og ráðstafanir samkvæmt meðfylgjandi fylgiskjali. Viðaukinn hefur áhrif sem nemur kr. 2.663.200 á fjárhagsáætlun ársins og er mætt með lækkun á áætluðum rekstrarafgangi.

Bæjarráð vísar viðaukanum til bæjarstjórnar Akraness til endanlegrar ákvörðunar.

Samþykkt 3:0

Bæjarráð samþykkir úthlutun fjármun vegna kostnaðar stofnana Akraneskaupstaðar við afleysingar vegna veikindaforfalla starfsmanna á árinu 2023. Úthlutunin er vegna tímabilsins 1. júlí til og með 31. desember og nemur samtals kr. 32.492.013 sbr. meðfylgjandi fylgiskjal.

Bæjarráð samþykkir viðauka nr. 16 og er ráðstöfuninni mætt með lækkun á áætluðum rekstrarafgangi ársins og fært á tegundarlykilinn 1691 á hverja stofnun fyrir sig sbr. skiptingu samkvæmt meðfylgjandi fylgiskjali.

Samþykkt 3:0

Bæjarráð vísar málinu til bæjarstjórnar Akraness til endanlegrar ákvörðunar

Samþykkt 3:0

VLJ víkur af fundi.

Bæjarráð samþykkir að veita styrk í samræmi við reglur Akraneskaupstaðar um styrki til greiðslu fasteignaskatts samkvæmr 2. mr. 5. gr. laga um tekjustofna sveitarfélaga nr. 4/1995 til eftirtalinna félaga:
- Akur frímúrarastúka, samtals kr. 974.500.
- Oddfellow, samtals kr. 1.156.590.
- Rauði krossinn, samtals kr. 218.910.

Heildarfjárhæðinni, samtals kr. 2.350.000, er ráðstafað af liðnum 20830-5946 en þau félög sem rétt eiga rétt á úthlutun fá styrk sem nemur 78% af fasteignaskatti C.

Bæjarráð samþykkir viðauka nr. 17 til samræmis við framangreinda ráðstöfun og tilfærslu á alls kr. 2.350.000 af deild 20830-5946 og inn á deildir 05890-5948 og 07890-5948 sbr. meðfylgjandi fylgiskjal og vísar til bæjarstjórnar Akraness til endanlegrar ákvörðunar.

Samþykkt 3:0

VLJ tekur sæti á fundinum á nýjan leik.

Bæjarráð samþykkir viðauka nr. 18 vegna rekstrarsamnings Akraneskaupstaðar og KFÍA um Jaðarsbakkasvæðið frá 30. mars 2023. Fjármagn vegna rekstrarsamningsins, samtals að fjárhæð kr. 34.200.000, er fært á deild 06820-5948 með tilfærslu frá deildunum 06610, 06510 og 20830 sbr. meðfylgjandi fylgiskjal.

Bæjarráð vísar ákvörðuninni til bæjarstjórnar Akraness til endanlegrar ákvörðunar.

Samþykkt 3:0

Bæjarráð gerir ekki athugasemdir við útgáfu rekstrarleyfis til umsækjanda að fullnægðum skilyrðum sem umsagnaraðilar kunna að setja fyrir leyfisveitingunni en jákvæðar umsagnir liggja fyrir frá Slökkviliði Akraness og Hvalfjarðarsveitar og byggingarfulltrúa.

Samþykkt 3:0

Bæjaráð samþykkir erindið.

Samþykkt 3:0

VLJ víkur af fundi undir þessum dagskrárlið.

Bæjarráð samþykkir fyrirliggjandi umsögn sviðsstjóra stjórnsýslu- og fjármálasviðs sem umsögn Akraneskaupstaðar.

Samþykkt 2:0

VLJ tekur sæti á fundinum að nýju.

Bæjarráð telur rétt að málið verði tekið upp við fyrirsjáanlega endurskoðun reikningslíkans leikskóla á vormánuðum í kjölfar fjölgunar barna í sveitarfélaginu. Bæjarráð felur sviðsstjóra skóla- og frístundasviðs frekari úrvinnslu málsins e.a. með tilfærslu fjármuna innan fjárheimilda skóla- og frístundasviðs.

Samþykkt 3:0