Bæjarstjórn

Drög að endurskoðuðum reglum um greiðslu lögmannskostnaðar við vinnslu barnaverndarmála lögð fram til afgreiðslu bæjarstjórnar Akraness.



Bæjarráð samþykkti á fundi sínum þann 16. febrúar 2023 reglur Akraneskaupstaðar um veitingu fjárstyrks vegna lögmannsaðstoðar sbr. 47. gr. barnaverndarlaga nr. 80/2002 og vísaði til bæjarstjórnar Akraness til endanlegrar ákvörðunar.

Akraneskaupstaður hefur samþykkt að gerast móttökusveitarfélag vegna samræmdrar móttöku flóttafólks. Á grundvelli þess munu Akraneskaupstaður og félags- og vinnumarkaðsráðuneyti gera með sér þjónustusamning um samræmda móttöku flóttafólks. Í samningnum þarf að tilgreina þann fjölda notenda sem Akraneskaupstaður hyggst taka á móti og veita þjónustu.



Tillaga starfsmanna félagsþjónustu var lögð fyrir velferðar- og mannréttindaráð þann 7. febrúar 2023 og var eftirfarandi bókað:

Velferðar- og mannréttindaráð leggur til að í þjónustusamningi á milli Akraneskaupstaðar og félags- og vinnumarkaðsráðuneytis verði samþykktur, að Akraneskaupstaður veiti að lágmarki 40 og að hámarki 80 notendum þjónustu á hverjum tíma. Akraneskaupstaður samþykkir jafnframt að veita á hverju ári að hámarki 60 notendum þjónustu á 1. ári í samræmdri móttöku.



Bæjarráð samþykkti á fundi sínum þann 16. febrúar 2023 erindi velferðar- og mannréttindaráðs og vísaði til bæjarstjórnar Akraness til endanlegrar ákvörðunar.

Erindi Sundfélagsins varðandi búnaðarkaup.



Bæjarráð samþykkti erindið en málið var til umfjöllunar í tengslum við afgreiðslu fjárhagsáætlunar í desember sl. Búnaðurinn varð fyrir skemmdum er framkvæmdir við nýja búningsklefa á Jaðarsbökkum stóðu yfir. Bæjarráð felur sviðsstjóra stjórnsýslu- og fjármálasviðs að fylgja eftir möguleikanum á að sækja tryggingabætur vegna tjónsins.



Bæjarráð samþykkti kaup Akraneskaupstaðar á tímatökubúnaði en búnaðurinn verður eign kaupstaðarins. Fjármagni, samtals að fjárhæð kr. 3.290.000, verður ráðstafað af lið 20830-4995 og fært á deild 06510-4660 til að mæta útgjöldunum.



Bæjarráð samþykkti á fundi sínum þann 16. febrúar 2023 viðauka nr. 1 við fjárhagsáætlun ársins 2023 sbr. framangreint og vísaði til bæjarstjórnar Akraness til endanlegrar ákvörðunar.

Erindi frá Akraseli vegna barna með sértækar stuðningsþarfir.



Bæjarráð samþykkti erindið.



Bæjarráð samþykkti að veita fjármunum, samtals að fjárhæð kr. 5.666.000, til að mæta útgjöldunum sem af þessu skapast. Fjármagning er ráðstafað af lið 20830-4995 og er fært inn á deild 04110-1691.



Bæjarráð samþykkti á fundi sínum þann 16. febrúar 2023 viðauka nr. 2 við fjárhagsáætlun 2023 og vísaði til bæjarstjórnar Akraness til endanlegrar ákvörðunar.

3526. fundargerð bæjarráðs frá 16. febrúar 2023.

259. fundargerð skipulags- og umhverfisráðs frá 20. febrúar 2023.

210. fundargerð skóla- og frístundaráðs frá 22. febrúar 2023.

198. fundargerð velferðar- og mannréttindaráðs frá 21. febrúar 2023.

325. fundargerð stjórnar Orkuveitu Reykjavíkur frá 28. nóvember 2022.

228. fundargerð stjórnar Faxaflóahafna frá 6. janúar 2023.

229. fundargerð stjórnar Faxaflóahafna frá 10. febrúar 2023.