Forsíða/Fjölskylduráð (2009-2014)/Fjölskylduráð (2009-2014) - 65. fundur - 19.04.2011

Fjölskylduráð (2009-2014)

65. fundur 19. apríl 2011 kl. 16:00 - 18:20 í bæjarþingsalnum, Stillholti 16-18

Nefndarmenn

Ingibjörg Valdimarsdóttir formaður
Guðmundur Páll Jónsson varaformaður
Þröstur Þór Ólafsson aðalmaður
Einar Brandsson áheyrnarfulltrúi
Helga Gunnarsdóttir framkvæmdastjóri Fjölskyldustofu
Svala Kristín Hreinsdóttir verkefnisstjóri
Sveinborg Kristjánsdóttir félagsmálastjóri
Sólveig Sigurðardóttir félagsráðgjafi

Fundargerð ritaði: Svala Hreinsdóttir verkefnisstjóri

Dagskrá

1.Fjárhagsstaða stofnana 2011

1103148

Sólveig Sigurðardóttir félagsráðgjafi og Sveinborg L. Kristjánsdóttir félagsmálastjóri kynntu ýmsar upplýsingar og nánari greiningu á fjárhagsaðstoð fyrstu þrjá mánuði ársins 2011.

Á grundvelli þess minnisblaðs sem fylgdi með fundarboði, sem fjallar um aukningu á fjárhagsaðstoð og annarra liða undir félagsþjónustunni, felur Fjölskylduráð framkvæmdastjóra Fjölskyldustofu að gera tillögu til bæjarráðs um viðbótarfjárveitingu vegna þessa.

Sólveig og Sveinborg viku af fundi 16:45.

2.Úthlutun úr Endurmentunarsjóði grunnskóla 2011

1104049

Fjölskyldustofu hefur borist svar Endurmenntunarsjóðs grunnskóla vegna ársins 2011. Samtals nemur styrkurinn kr. 450.000. Styrkurinn er veittur á grundvelli umsókna um áframhaldandi endurmenntun í tengslum við Byrjendalæsi, Orð af orði og 6 1 trait kennsluaðferð ritunar.

Lagt fram.

3.Forvarnardagurinn 2010

1104066

Forvarnardagurinn 2010 var haldinn 3. nóvember 2010 í fimmta sinn. Nemendur í 9. bekkjum unnu þá verkefni þar sem leitað var eftir sjónarmiðum nemenda t.d varðandi hvað nemendur vilja gera oftar með fjölskyldum sínum. Með fundarboði fjölskylduráðs fylgir ítarleg skýrsla um viðhorf nemenda í 9. bekkjum.

Lagt fram.

4.Sumarnámskeið 2011

1104045

Bréf frá rekstraraðilum Reykjadals í Mosfellssveit þar sem upplýst er um að umsóknir um sumardvöl hefur borist vegna fatlaðra einstaklinga samtals 5 vikna dvöl. Reiknað er með að sveitarfélög sem taka þátt í verkefninum greiði kr. 40.900 fyrir hverja viku. Styrktarfélag lamaðra og fatlaðra óskar eftir staðfestingu Akraneskaupstaðar á þátttöku í verkefninu sumarið 2011.

Fjölskylduráð staðfestir þátttöku Akraneskaupstaðar í verkefninu.

5.FTÍ-Umsókn um leikskólavist 12.1.3

1012062

Í verklagsreglum um leikskóla Akraneskaupstaðar segir í grein 1.3 "Barn getur innritast í leikskóla á því ári sem það verður tveggja ára. Við innritun er horft til aldurs barns þannig að eldri börn hafa forgang umfram þau yngri. Leitast er við að systkini séu í sama leikskóla. Innritun fer að jafnaði fram í júní-ágúst" Fjölskyldustofu hefur borist ósk frá foreldri, Öldu Róbertsdóttur, um að fá að mæta á fund fjölskylduráðs til að ræða þessa grein verklagsreglna og fleira tengt starfsemi leikskóla á Akranesi.

Áheyrnafulltrúar leikskóla mættu á fundinn kl. 17:00, Ingunn Ríkharðsdóttir og Árný Örnólfsdóttir. Alda Róbertsdóttir mætti á fundinn kl. 17:00. Rætt um verklagsreglur leikskóla og fyrirkomulag innritunar. Einnig rætt um þjónustu dagforeldra.

Alda vék af fundi 17:40.

6.Starfsréttindi og ráðningar í leikskólum

1104071

Samkvæmt lögum um menntun og ráðningu kennara og skólastjórnenda við leikskóla, grunnskóla og framhaldsskóla nr. 87/2008 skal hlutfall leikskólakennara vera að lágmarki ²/₃ hlutar stöðugilda við kennslu, umönnun og uppeldi barna í hverjum leikskóla. Helga Gunnarsdóttir framkvæmdastjóri lagði fram útreikninga á slíku hlutfalli í hverjum leikskóla á Akranesi.

Árný lagði fram bréf frá leikskólakennurum á Akranesi þar sem fram kom ósk þeirra um aðkomu að ákvörðun Akraneskaupstaðar í samræmi við 9. gr. laga um menntun og ráðningu kennara og skólastjórnenda við leikskóla, grunnskóla og framhaldsskóla nr. 87/2008. Fjölskylduráð mun boða trúnaðarmenn leikskólakennara á næsta fund ráðsins til viðræðna um málið.

Fundi slitið - kl. 18:20.