Fjölskylduráð (2009-2014)

Samkvæmt erindisbréfi fyrir starfshóp vegna framtíðarskipulags í þjónustu við aldraða skipar Fjölskylduráð fjóra fulltrúa í starfshópinn. Fjölskylduráð skipar Steinunni Sigurðardóttur sem formann starfshópsins og Laufey Jónsdóttir verkefnisstjóri heimaþjónustu er skipuð af Fjölskyldustofu. Fjölskylduráð felur Laufeyju Jónsdóttur verkefnisstjóra heimaþjónustu að óska eftir því að Höfði skipi einn fulltrúa og HVE skipi einn fulltrúa í starfshópinn. Formaður boðar til fyrsta fundar þegar starfshópurinn verður fullskipaður. Starfshópurinn verður bæjaryfirvöldum til ráðgjafar í málum sem tengjast framtíðaruppbyggingu í þjónustu við eldri borgara á Akranesi. Starfshópurinn leggur skýrslu og tillögur fyrir fjölskylduráð.

Búið er að ráða í 60% stöðu félagsráðgjafa hjá Fjölskyldustofu, félagsþjónustu Akraneskaupstaðar frá 1. júní nk. Eftirfarandi aðilar sóttu um starfið:

Ásta Jóna Ásmundsdóttir

Thelma Vestmann

Valur Bjarnason

Búið er að ráða í starf forstöðumanns búsetuþjónustu sem auglýst var nýlega. Eftirfarandi aðilar sóttu um starfið:

Soffía Pétursdóttir

Margrét Magnúsdóttir

Ingibjörg Torfadóttir

Ástrós Una Jóhannesdóttir

Hrafnhildur Geirsdóttir

Stjórn SSV hefur ákveðið að stofna starfshóp sem mun hafa það hlutverk að skoða ákveðna þætti í starfsemi málaflokks fatlaðra og vinna rekstrarúttekt samhliða þeirri vinnu. Stjórn SSV óskar eftir því að Akraneskaupstaður tilnefni fulltrúa frá sínu félagsþjónustusvæði í starfshópinn. Starfsmenn SSV vinna með starfshópnum eins og þarf hverju sinni. Fjölskylduráð tilnefnir Ingibjörgu Valdimarsdóttur sem fulltrúa Akraneskaupstaðar í starfshópinn.

Bréf bæjarritara um fjárhagsáætlun 2013 vinnuáætlun og skil gagna lagt fram. Í bréfinu kemur fram að nú sé vinna hafin við fjárhagáætlun ársins 2013 svo og 2014 - 2015, en samkvæmt nýjum sveitarstjórnarlögum skal áætlun ársins 2013 vera lögð fram í bæjarstjórn eigi síðar en 1. nóvember og afgreidd í bæjarstjórn eigi síðar en 15. desember. Samhliða því skal afgreiða þriggja ára fjárhagsáætlun. Fjölskylduráð felur framkvæmdastjóra Fjölskyldustofu að hefja nauðsynlegan undirbúning að vinnu við fjárhagsáætlun.

Sveinborg Kristjánsdóttir félagsmálastjóri lagði fram mál. Afgreiðsla trúnaðarmál.

Ingibjörg Gunnarsdóttir félagsráðgjafi lagði fram mál. Afgreiðsla trúnaðarmál.

Sveinborg Kristjánsdóttir félagsmálastjóri lagði fram mál. Afgreiðsla trúnaðarmál.

Vilhjálmur Birgisson mætti á fundinn kl. 16:15 og lagði fram mál. Afgreiðsla trúnaðarmál. Vilhjálmur vék af fundi kl. 16:45.

Næsti fundur fjölskylduráðs er áætlaður 5. Júní. Honum verður flýtt vegna útskriftar í grunnskólum Akraneskaupstaðar. Næsti fundur fjölskylduráðs verður því 4. júní kl. 16:30.

Erindi frestað til 4. júní 2012.