Fjölskylduráð (2009-2014)

Hrefna Ákadóttir félagsráðgjafi mætti á fundinn kl.16:30. Fjölskylduráð tekur jákvætt í erindið og óskar eftir að Hrefna Rún Ákadóttir annist undirbúningsvinnu fyrir hönd fjölskylduráðs.

Fjölskylduráð óskar eftir að erindið verði tekið til umfjöllunar með öðrum styrkumsóknum sem liggja fyrir.

Fjölskylduráð þakkar höfundi fyrir greinargerðina og vísar henni til starfshóps um málefni félagsþjónustu. Fjölskylduráð óskar eftir tillögum sem byggjast á greinargerðinni fyrir 1. september.

Hrefna lagði fram mál. Afgreiðsla trúnaðarmál.

Hrefna lagði fram mál. Afgreiðsla trúnaðarmál.

Hrefna vék af fundi kl. 17:10.

Á fundinn mættu kl.17:10, Brynhildur Björg Jónsdóttir áheyrnarfulltrúi leikskólastjóra, Rósa Kristín Guðnadóttir áheyrnarfulltrúi foreldra og Árný Örnólfsdóttir áheyrnarfulltrúi starfsmanna.
Fjölskylduráð lýsir yfir ánægju sinni með niðurstöður könnunar St.Rv. og val þeirra á ,,Stofnun ársins, Borg og bæ 2012" en Grundaskóli og Garðasel hlutu þá viðurkenningu og ,,Fyrirmyndarstofnun 2012" en Brekkubæjarskóli og Vallarsel hlutu þá viðurkenningu.

Stjórnendur leikskóla munu taka þátt í deginum og kynna starfsemi leikskóla Akraneskaupstaðar.

Fjölskylduráð lagði til að bætt yrði inn viðbótarákvæði í ,, Tímabundin aðstoð" vegna langveikra barna. Fjölskylduráð samþykkir fyrirliggjandi tillögu. Nýjar starfsreglur taki þegar gildi.

Tillögur að breytingum eru lagðar fram af framkvæmdastjóra og verkefnisstjóra í samráði við leikskólastjóra. Tillögur eru að breytingu á grein 2.1 og grein 3.5, grein 2.4 er ný.

Grein 2.1:

Dvalartími barns er skipulagður í samráði við leikskólastjóra og foreldra. Stefnt skal að því að dvalartími barns verði ekki lengri en 9 klst. Ef dvalartími barns er umfram 8 klukkustundir er heimilt að semja um stundarfjórðunga eftir það.

Grein 2.4: Leikskólarnir loka fjóra daga á ári vegna skipulags- og fræðsludaga. Þeir dagar skulu valdir með tilliti til skipulagsdaga í grunnskólum eða þegar grunnskólanemendur sækja ekki skóla. Leikskólagjald er ekki fellt niður vegna þessara daga.

Grein 3.5: Geti barn ekki sótt skóla vegna veikinda í fjórar vikur samfellt eða lengur geta foreldrar sótt um allt að 50% afslátt af leikskólagjöldum. Afsláttur er veittur fyrir þann tíma er veiknindi vara gegn framvísun læknisvottorðs sem staðfestir að barn hafi ekki getað sótt leikskóla. Sækja verður um afsláttinn innan þriggja mánaða frá því að veikindum lýkur.

Fjölskylduráð samþykkir að breyttar verklagsreglur taki gildi frá 1. júní 2012.

Svala Hreinsdóttir kynnti niðurstöður úr vinnustaðagreiningu stafsmanna leikskóla Akraness. Fjölskylduráð lýsir yfir ánægju sinni með jákvæðar niðurstöður greiningarinnar.

Björg, Árný og Rósa Kristín viku af fundi kl. 18:30.

Fjölskylduráð samþykkir erindisbréf starfshópsins með framlögðum breytingum og felur framkvæmdastjóra Fjölskyldustofu að óska eftir heimild bæjarráðs vegna launa formanns. Fjölskylduráð felur framkvæmdastjóra Fjölskyldustofu að skipa fulltrúa frá Fjölskyldustofu, að ræða við formannsefni og óska eftir tilnefningum frá Höfða og HVE í starfshópinn.

Lagt fram. Fjölskylduráð óskar eftir, að gefnu tilefni, að gæðastjóri fari yfir vinnuferla varðandi erindi sem berast Akraneskaupstað.

Fjölskylduráð samþykkir fyrirliggjandi samningsdrög og leggur til að hafnar verði viðræður við rekstaraðila Herdísarholts um rekstarsamning.

Samningsdrög verði lögð fyrir fjölskylduráð.

Fjölskylduráð fagnar því að rekstur Skagastaða skuli vera tryggður til áramóta og felur framkvæmdastjóra að undirrita fyrirliggjandi viljayfirlýsingu.

Farið yfir forsendur tilraunaverkefnisins. Framkvæmdastjóra falið að senda erindi til bæjarráðs sem byggir á tillögum verkefnisstjóra heimaþjónustu.

Lagt fram. Fjölskylduráð óskar eftir, að gefnu tilefni, að gæðastjóri fari yfir vinnuferla varðandi erindi sem berast Akraneskaupstað.