Menningar- og safnanefnd

Forstöðumaður kynnti stöðu verkefna á byggðasafni, bókasafni og héraðsskjalasafni. Meðal þess sem fram kom í máli forstöðumanns var að Beloxy ehf. hefur sagt upp samningi um rekstur Garðakaffis. Nefndin þakkar rekstraraðila fyrir líflegt og gott samstarf og óskar þeim velfarnaðar á nýjum vettvangi.

Jónella Sigurjónsdóttir vék af fundi.

Nefndin samþykkir tillögu um breytingar á opnunartíma þannig að Héraðsskjalasafn Akraness verði framvegis opið skv. samkomulagi.
Eftir sem áður mun starfsfólk safnsins ávallt veita þjónustu þegar þau eru í húsi.

Nefndin felur formanni og forstöðumanni að vinna að málinu.

Írskir vetrardagar munu fara fram 15.-17. mars, Írskir dagar 5.-8. júlí og Jólatrésskemmtun á Akratorgi 1. desember.

Ákvörðun um tímasetningu á Menningarhátíðinni Vökudagar bíður þar til ljóst er hvenær vetrarfrí grunnskólanna verður.

Sérstakur úrvinnslufundur nefndarinnar verður haldinn í febrúar og stefnt að því að halda opin fund um menningarmál í mars.

Nefndin fór yfir styrkumsóknir og felur forstöðumanni að koma tillögu nefndarinnar á framfæri við bæjarráð. Mikil ánægja var með hversu margar umsóknir bárust að þessu sinni og þakkar umsækjendum fyrir. Nefndin telur að skerpa þurfi á áhersluatriðum í umsóknarferli og mun vinna að tillögum þess efnis.

Ingþór Bergmann Þórhallsson vék af fundi undir umfjöllun um umsókn Kórs Akraneskirkju.

Merkingum var komið upp við verkin Tálbeitan eftir Bjarna Þór og Himnaríki eftir Jónínu Guðnadóttur á árinu 2017. Á næstu dögum verður komið upp merkingu við Sjómanninn á Akratorgi eftir Martein Guðmundsson.