Menningar- og safnanefnd

Forstöðumaður kynnti hugmynd að breyttu vörumerki Byggðasafnsins fyrir nefndarmönnum. Forstöðumanni falið að koma með fleiri hugmyndir.

Nefndin fór yfir innsendar tillögur og var einróma í tillögu sinni til bæjarráðs um handahafa Menningarverðlauna Akraneskaupstaðar 2018. Forstöðumanni falið að koma tillögu nefndarinnar á framfæri.

Nefndin ræddi dagskrá Vökudaga og hvetur bæjarbúa til að taka virkan þátt hvort sem er með því að standa fyrir viðburðum eða sækja þá.

Forstöðumaður fór yfir áherslur í fjárhagsáætlun málaflokksins 2019 í samræmi við nýja menningarstefnu kaupstaðarins. Forstöðumanni falið að koma áherslum nefndarinnar inn í áætlunargerð kaupstaðarins.
Formaður og fulltrúi Hvalfjarðarsveitar yfirgefa fund.

Nefndin þakkar fyrir innsent erindi. Umsækjandi er hvattur til að sækja um menningarstyrk á vef Akraneskaupstaðar. Opnað verður fyrir umsóknir þann 1. nóvember nk.

Málsmeðferðarrreglur lagðar fyrir og samþykktar af nefndinni.

Ýmsar hugmyndir tengdar Írskum dögum voru kynntar. Rætt var m.a. um mögulega vinabæi á Írlandi.

Minnisblað bæjarbókavarðar lagt fram. Nefndin mun hafa minnisblaðið til hliðsjónar þegar unnið verður að úrvinnslu stefnumótunar sem tengist bókasafninu. Vinnu við skilgreiningu verkefna til að framfylgja Menningarstefnu Akraness frestað til næsta fundar.