Menningar- og safnanefnd

Forstöðumaður kynnti stöðu verkefna á safninu. Stefnt er að opnun nýrrar grunnsýningar 14. maí 2020. Jónella Sigurjónsdóttir, fulltrúi Hvalfjarðarsveitar, yfirgaf fundinn.

Gerður Jóhanna Jóhannsdóttir héraðsskjalavörður tók sæti á fundinum og kynnti tímasetta úrbótaáætlun. Nefndin þakkar Gerði fyrir yfirferðina.
Menningar- og safnanefnd vísar úrbótaáætluninni til umfjöllunar bæjarráðs og bendir sérstaklega á mikilvægi þess að staðsetning Héraðsskjalasafns innan stjórnskipunar Akraneskaupstaðar endurspegli hlutverk þess skv. lögum um opinber skjalasöfn nr. 77/2014. Gerður Jóhanna Jóhannsdóttir yfirgefur fundinn.

Halldóra Jónsdóttir bæjarbókavörður tók sæti á fundinum. Fyrstu tillögur að nýjum starfaskilgreiningum fyrir safnið voru kynntar. Forstöðumanni og bæjarbókaverði falið að vinna áfram að verkefninu og móta tillögur varðandi framhaldið út frá umræðum á fundinum. Halldóra Jónsdóttir yfirgefur fundinn.

Forstöðumanni falið að koma tillögum nefndarinnar um styrkveitingar til afgreiðslu bæjarráðs. Til þess að geta stutt við verkefni síðar á árinu mun nefndin úthluta óráðstafaðri styrkfjárhæð síðar.

Fríða Kristín Magnúsdóttir tók sæti á fundinum. Ræddir voru möguleikar varðandi viðburðahald ársins m.v. þá fjármuni sem til ráðstöfunar eru. Nefndin lýsir vonbrigðum með afgreiðslu bæjarráðs við fyrri bókun nefndarinnar og þykir miður að þurfa að skera niður gæði viðburðahalds. Forstöðumanni falið að vinna að skipulagi viðburða í samræmi við umræður á fundinum. Fríða Kristín Magnúsdóttir yfirgefur fundinn.