Menningar- og safnanefnd

Menningar- og safnanefnd ítrekar óánægju sína á staðsetningu grenndargáma við Byggðasafnið í Görðum og vilja þá af svæðinu.

Nefndin leggur áherslu á mikilvægi þess að finna gámunum varanlega staðsetningu fjarri menningarstarfsemi bæjarins og leggur til að horft verði til djúpgáma.

Nefndin þakkar Lárusi Ársælssyni fyrir innlitið og upplýsingarnar.

Menningar- og safnanefnd þakkar Jóni fyrir upplýsingagjöf varðandi sýningu í Bátaskýli safnsins.

Vonbrigði að opnun sýningarinnar hafi dregist á langinn og að aðstæður séu þannig að sýningaropnun sé ófyrirséð.

Nefndin óskar eftir uppfærðri verk- og kostnaðaráætlun frá forstöðumanni safnsins varðandi sýninguna fyrir næsta fund nefndarinnar í lok ágúst.

Menningar- og safnanefnd fagnar því að fjargeymslumál Byggðasafnsins séu til umræðu og einhverjar mögulegar lausnir séu í sjónmáli.

Hvetur nefndin skipulags- og umhverfissvið til þess að bregðast fljótt við.

Nefndin tekur fram að hafa þarf gott samráð við forstöðumann safnsins varðandi skilyrði safnaráðs um varðveisluhúsnæði.

Menningar- og safnanefnd þakkar viðburðastjórum hátíðarinnar fyrir vel heppnaðan Þjóðhátíðardag í bæjarfélaginu.

Við þökkum bæjarbúum fyrir góða þátttöku í hátíðardagskránni.

Menningar- og safnanefnd þakkar Hjörvari fyrir yfirferð á dagskrá Írskra daga og líst einstaklega vel á það sem í boði verður fyrir fjölskyldur á Akranesi.

Dagskráin verður borin í hús á næstu dögum og hvetur nefndin bæjarbúa til að kynna sér hana og taka virkan þátt í þessari skemmtilegu fjölskylduhátíð okkar Akurnesinga.

Nefndin vill jafnframt hvetja fólk til þess að fylgja írskum dögum á samfélagsmiðlum facebook og instagram.

Menningar- og safnanefnd þakkar Björgunarfélagi Akraness fyrir einstaklega vel heppnaða Sjómannadagshátíð við Akraneshöfn.

Verkefnastjóri telur samstarfið hafa gengið afar vel og vonast til frekara samstarfs.