Öldungaráð

Fyrir liggja drög að sameiginlegum reglum allra sveitarfélaga á landinu vegna stuðningsþjónustu við eldra fólk. Markmið stuðningsþjónustu er að styðja við sjálfstæði og velferð íbúa og efla og viðhalda getu þeirra til sjálfshjálpar og heilbrigðrar öldrunar. Markmiðið þeirra er ekki síst að tryggja að unnt sé að veita einstaklingum sem þurfa umfangsmeiri stuðning þann stuðning sem þeim ber. Með þáttöku Vesturlands í þróunarverkefninu Gott að eldast ber sveitarfélögum að útfæra samþættingu heimaþjónustu og heimahjúkrunar í hverju sveitarfélagi sem og að endurskoða nálgun í þjónustu við eldra fólk svo hún verði markvissari og best hagað til framtíðar með hækkandi lífaldri fólks.

Meðfylgjandi eru drög að nýjum reglum.

Lögð verða fram til kynningar helstu niðurstöður vinnuhópa frá málþinginu.

Einnig lögð fram til kynningar áhersluatriði frá Öldungaráði Akraness sem unnin voru út frá niðurstöðu málþingsins.

Málið verður tekið fyrir í Velferðar og mannréttindaráði þriðjudaginn 3. desember. Niðurstaða þeirrar umræðu verður kynnt á fundinum á föstudaginn.

Böðvar Jóhannesson aðalmaður hefur sagt af sér sem og tekur sú uppsögn gildi frá og með 1. janúar 2025. Í hans stað kemur Jóhannes Hreggviðsson inn í ráðið.