Skólanefnd (2000-2008)
26. fundur skólanefndar Akraness haldinn í leikskólanum Vallarseli miðvikudaginn 4. desember 2002 kl. 17:00.
_______________________________________________________
Mætt á fundi: Eydís Aðalbjörnsdóttir,
Ingþór B. Þórhallsson,
Jónas H. Ottósson, varaformaður
Sigrún Ríkharðsdóttir,
Aðalheiður Þráinsdóttir, fulltrúi starfsmanna leikskóla
Ingunn Ríkharðsdóttir, leikskólastjóri
Ólöf Linda Ólafsdóttir, fulltrúi foreldra leikskólabarna
Auk þeirra Pétur Óðinsson formaður framkvæmdanefndar um skólabyggingar, Sigrún Gísladóttir leikskólafulltrúi, Lilja Guðlaugsdóttir leikskólastjóri, Brynhildur Björg Jónsdóttir aðstoðarleikskólastjóri og Helga Gunnarsdóttir sviðsstjóri menningar- og fræðslusviðs sem ritaði fundargerð.
_______________________________________________________________
Fyrir tekið:
1. Málefni leikskóla.
Lilja Guðlaugsdóttir sýndi fundarmönnum leikskólann og lóð. Pétur Óðinsson sagði frá störfum framkvæmdanefndarinnar og hvaða hugmyndir væru fram komnar um hvar viðbyggingin ætti að rísa. En við gerð fjárhagsáætlunar vegna ársins 2003 var kynnt að byggja ætti þrjár deildir til viðbótar þeim sem fyrir eru, auk annars sameiginlegs rýmis. Málin rædd.
2. Önnur mál.
Ingþór spurði hvernig starfsfólki leikskólans litist á að fá 3ja deilda viðbót. Sigrún sagði frá því að hún ásamt leikskólastjóra og aðstoðarleikskólastjóra fóru nýlega að skoða 6 deilda leikskóla í Kópavogi. Í þeirri heimsókn kom fram að vel gengi að skipuleggja starf á þeirri stofnun. Um 30% stjórnunarviðbót fylgir 3ja deilda viðbót. Starfsfólk leikskólans lítur þessar breytingar jákvæðum augum.
Fleira ekki gert, fundi slitið kl. 18:20
