Skólanefnd (2000-2008)
40. fundur skólanefndar Akraness var haldinn í leikskólanum Teigaseli, miðvikudaginn 22. september 2004 og hófst hann kl. 16:00.
Ingþór B. Þórhallsson,
Eydís Aðalbjörnsdóttir,
Jónas H. Ottósson,
Sigrún Ríkharðsdóttir.
Áheyrnarfulltrúar: Guðbjörg Gunnarsdóttir, fulltrúi leikskólastjóra,
Guðríður Sigurjónsdóttir, fulltrúi starfsfólks leikskóla.
Sigrún Gísladóttir, leikskólafulltrúi, sat einnig fundinn og ritaði jafnframt fundargerð.
Fyrir tekið:
1. Málefni leikskóla.
Biðlisti ? inntaka.
Inntaka hefur farið fram frá því viðbygging Vallarsels var tekin í notkun og jafnframt hefur verið komið til móts við flestar óskir foreldra um breytingar á dvalartíma. Farið yfir stöðu mála, hversu mörg börn hafa verið tekin inn í leikskóla og hver barnafjöldi skólanna er.
Rætt um möguleika á aukningu leikskólarýma, ef litið er til framtíðar.
Í allt eru 37 stöðugildi leikskólakennara hjá Akraneskaupstað.
Rætt um námskeiðsdag fyrir starfsfólk leikskóla. Ítrekuð ósk um námskeiðsdag fyrir allt starfsfólk, möguleiki á að fella hann inn í skipulagsdaga grunnskólanna.
Verklagsreglur leikskóla. Rætt um möguleika á að endurskoða einstök ákvæði þeirrra.
Leikskólastjórar fóru yfir gerð fjárhagsáætlana í leikskólunum. Rætt um hve leikskólunum er sniðinn þröngur stakkur í fjárhagsmálum.
Sigrún sagði frá rekstrarforriti sem hefur verið í þróun í Hafnarfirði, sem auðveldar alla útreikninga m.a. við gerð fjárhagsáætlana.
Fleira ekki gert. Fundi slitið.
