Starfshópur um uppbyggingu á Jaðarsbökkum

Fulltrúi frá Mannviti verkfræðistofu fór yfir teikningu af snúningi fótboltavallar og þætti sem þarf að taka tillit til við nánari hönnun, ef út í það verður farið. Formaður starfshóps fór yfir efni funda sem aðilar úr starfshópnum hafa átt með ýmsum aðilum í tengslum við stefnumótun á svæðinu, en búið er að funda með aðilum frá Miðbæjarsamtökunum og eiganda líkamsræktarstöðva á höfuðborgarsvæðinu og víðar. Búið er að bóka nokkra fundi í viðbót með ýmsum hagaðilum og er verið að vinna í að setja niður fleiri fundi.
Farið var yfir gögn sem safnað hefur verið saman til að nýta inn í vinnuna. Um er að ræða t.d. fundargerð frá bæjarstjórnarfundi unga fólksins, gögn frá barna- og ungmennaþingi árið 2022, upplýsingar úr könnunum og vinnustofum frá yfirstandandi stefnumótunarvinnu vegna heildarstefnu Akraneskaupstaðar, gögn frá hugmyndasamkeppni um Langasandssvæðið og efni sem kom fram í Okkar Akranes opin svæði verkefninu.
Fyrir næsta fund verður fundað með fleirum hagaðilum ásamt því sem stefnt er að því að fyrstu drög að verkefnalýsingu og skipulagslýsingu liggi fyrir.
Hjörtur Brynjarsson frá Ísold fasteignir ehf. sat fundinn sem gestur.