Starfshópur um uppbyggingu á Jaðarsbökkum

Upplýst um samtal sem hefur verið tekið milli funda starfshóps við verkefnastjóra hjá Akraneskaupstað sem heldur utan um innleiðingu á Farsældarlögunum. Einnig sagt frá vettvangsferðum í líkamsræktarstöðvar. Nokkrir fundir með hagaðilum eru enn eftir. Rætt um vöruþróun og mögulegar tengingar uppbyggingar á svæðinu við heilsueflingu, forvarnir og íþróttir, ásamt sundlaugar- og sjósundsaðstöðu.
Rætt var um að klára verkefnalýsingu sem ætlað er að ná utan um og gefa grófa mynd af þeim hugmyndum sem ræddar hafa verið. Þá var rætt um skipulagslýsingu sem verður gerð af hönnuði og byggir á verkefnalýsingunni, en skipulagslýsing er einnig gróf lýsing á skipulagi á svæðinu en er meira staðlað skjal sem skal útbúa skv. formlegu skipulagsferli. Stefnt er að því að verkefna- og skipulagslýsing fari fyrir skipulags- og umhverfisráð í maí. Bæði verkefnalýsing og skipulagslýsing eru eingöngu í textaformi, engin vinna er hafin við að teikna upp hugsanlega uppbyggingu á svæðinu.
Næstu skref rædd, farið yfir tímalínu og verkefni sett á aðila í starfshóp sem vinna þarf fram að næsta fundi sem verður 9.maí 2023.