Stýrihópur um Kalmansvelli 5

Á fundinn mættu arkitektarnir Sigurbjörn Kjartansson og Ulrike Diana Malsch frá Glámu Kím. Farið var yfir drög að frumhönnun húss.

Sýrihópur hafði óskað að arkitektar stilltu upp drögum að frumhönnun út frá samþykktum drögum að skipulagi húss og lóðar. Arkitekt hefur stillt upp öllum helstu rýmum og gefið nettó stærðir.

Umræða var um notkun rýmis á efri hæð, reyna á að hafa það rými sveigjanlegt svo það geti þjónað margvíslegum tilgangi og þróast með starfseminni. Búkolla telur að það rými sem þeim er úthlutað á 1. hæð hússins dugi ekki fyrir þá þjónustu sem þeir vilja bjóða upp á og snýr m.a. að sölu á stærri húsgögnum. Skoða á að koma fyrir djúpgámum á svæðinu

Stýrihópur óskar eftir því að arkitektar vinni áfram með frumhönnun hússins og ljúki vinnu við grunnmyndir og afstöðumynd húss. Teknir verða fundir með vinnuhóp eftir þörfum til að ljúka þeirri vinnu.