Tómstunda- og forvarnarnefnd (2002-2008)
42. fundur í tómstunda- og forvarnarnefnd var haldinn í fundarsal bæjarskrifstofu, Stillholti 16-18, fimmtud. 17. febrúar 2005 og hófst hann kl. 17:30.
Mættir voru: Hjördís Hjartardóttir, formaður
Hildur Karen Aðalsteinsdóttir
Sævar Haukdal, ritari
Katrín Rós Baldursdóttir
Varamaður: Hörður Þorsteinn Benónýsson
Frá ÍA: Sturlaugur Sturlaugsson, formaður ÍA
Jón Þór Þórðarson, framkvæmdastjóri ÍA
Bæjarstjóri: Gísli Gíslason
Fyrir tekið:
1. Bréf bæjarráðs, dags. 4.2.2005, þar sem tilkynnt er að bæjarráð hafi samþykkt tillögu tómstunda- og forvarnarnefndar um úthlutun styrkja í samræmi við viðmiðunarreglur.
Lagt fram.
2. Bréf bæjarráðs, dags. 4.2.2005, þar sem tilkynnt er að bæjarráð hafi staðfest tillögu tómstunda- og forvarnarnefndar frá 27.1.2005 varðandi breytt hlutföll úthlutunar styrkja vegna barna- og unglingastarfs í tómstundum á Akranesi og tillögu tómstunda- og forvarnarnefndar frá 26. október 2004 varðandi umsóknarfresti um styrki.
Lagt fram.
3. Bréf Badmintonfélags Akraness, dags. 9.2.2005, þar sem óskað er endurskoðunar á styrkveitingu til afreksmanna félagsins.
Bæjarstjóra falið að svara erindinu.
4. Tilnefningar í samráðsnefnd unglinga.
Í samráðsnefnd unglinga hafa eftirtaldir aðilar verið tilnefndir:
|
Frá Arnardal |
Harpa Jónsdóttir |
|
Frá Hvíta húsinu |
Þór Birgisson |
|
Frá nemendafélagi Grundaskóla |
Ragnheiður Smáradóttir |
|
Frá nemendafélagi Brekkubæjarskóla Til vara: |
Birkir Guðmundarson Bergur L. Guðnason |
|
Frá nemendafélagi Fjölbrautaskóla Vesturlands Til vara: |
Gunnar Smári Jónbjörnsson Runólfur Óttar Kristjánsson |
Tómstunda- og forvarnarnefnd samþykkir að fela formanni og bæjarstjóra að undirbúa fund ráðsins með nefndinni.
5. Hljómsveitarherbergi í Íþróttahúsinu við Vesturgötu.
Bæjarstjóri gerði grein fyrir stöðu málsins.
6. Bréf Ungmennafélags Íslands, dags. 10.2.2005, varðandi 8. Unglingalandsmót UMFÍ sem fram fer helgina 29. ? 31. júlí í Vík í Mýrdal.
Lagt fram. Samþykkt að senda aðildarfélögum ÍA auglýsinguna og er því beint til ÍA að koma á framfæri frekari kynningu á mótinu.
7. Drög að samningi Akraneskaupstaðar við Skátafélag Akraness um sumar- og leikjanámskeið fyrir börn 2005 ? 2007.
Tómstunda- og forvarnarnefnd samþykkir samninginn fyrir sitt leyti og felur æskulýðsfulltrúa að undirrita hann.
8. Umsóknir um styrki til íþrótta- og tómstundafélaga á Akranesi ? Styrktímabil er 1. júlí ? 31. des. 2004. Bréf bæjarritara, dags. 16.2.2005, ásamt tillögu um úthlutun.
Lagðar voru fram umsóknir Badmintonfélags Akraness, Rekstrarfélags mfl. og 2. flokks Knattspyrnufélags ÍA, Hestamannafélagsins Dreyra, Körfuknattleiksfélags Akraness, Fimleikafélags Akraness, Keilufélags Akraness, Sundfélags Akraness, Golfklúbbsins Leynis, Karatefélags Akraness, Skátafélags Akraness, Kvennanefndar Knattspyrnufélags ÍA, Unglinganefndar Knattspyrnufélags ÍA, Skagaleikflokksins.
Lagt fram bréf bæjarritara, dags. 16. febrúar, þar sem bent er á nokkur atriði varðandi úthlutunarreglurnar, sem ástæða er til að lagfæra.
Lögð fram tillaga að skiptingu styrkja í samræmi við samþykktar reglur og samþykkir nefndin úthlutunina. Bæjarstjóri og Jón Þór munu undirbúa afhendingu styrkjanna.
9. Önnur mál.
9.1. Tölvupóstur forstöðumanns Bíóhallarinnar, dags. 16.2.2005, varðandi búnaðarkaup fyrir Bíóhöllina.
Samþykkt að vísa erindinu til umfjöllunar bæjarráðs.
9.2. Hildur Karen ræddi um dagsetningu írskra daga og urðu nokkrar umræður um hana. Einnig var rætt um ábyrgð á ýmsum viðburðum og verkefnum.
9.3. Afhending viðurkenninga vegna Íslandsmeistaratitla.
Samþykkt að fela rekstrarstjóra íþróttamannvirkja í samvinnu við framkvæmdastjóra ÍA að undirbúa málið.
Fleira ekki gert, fundi slitið.
