Velferðar- og mannréttindaráð
Dagskrá
1.Trúnaðarmál.
1608169
Trúnaðarmál.
Trúnaðarmál.
2.Reglur um gjaldskrá félagslegrar heimaþjónustu
1612146
Félagsleg heimaþjónusta er veitt, samkvæmt lögum um félagsþjónustu sveitarfélaga, til handa þeim sem búa í heimahúsum og geta ekki séð hjálparlaust um heimilishald og persónulega umhirðu vegna skertrar getu, fjölskylduaðstæðna, álags, veikinda, barnsburðar eða fötlunar.
Í reglum Akraneskaupstaðar um félagslega heimaþjónustu er nánari skilgreining og útfærsla á þjónustunni skipt í fjóra liði: aðstoð við almenn heimilisstörf, innlit og samvera/félagslegur stuðningur, persónulegur stuðningur og aðstoð og aðstoð og fylgd við rekstur erinda.
Notandi greiðir fyrir þjónustuna í samræmi við gjaldskrá sem samþykkt er af bæjarstjórn.
Í reglum Akraneskaupstaðar um félagslega heimaþjónustu er nánari skilgreining og útfærsla á þjónustunni skipt í fjóra liði: aðstoð við almenn heimilisstörf, innlit og samvera/félagslegur stuðningur, persónulegur stuðningur og aðstoð og aðstoð og fylgd við rekstur erinda.
Notandi greiðir fyrir þjónustuna í samræmi við gjaldskrá sem samþykkt er af bæjarstjórn.
Drög að breytingum á gjaldskrá um félagslega heimaþjónustu lögð fram. Afgreiðslu málsins er frestað.
3.Félagsstarf aldraðra og öryrkja, aldursmörk
1612155
Félagsstarf aldraðra, sem er á vegum Akraneskaupstaðar, hefur verið í boði fyrir 67 ára og eldri. Félag eldri borgara á Akranesi og nágrenni (FEBAN) hefur aldursviðmiðið 60 ára. Lagt er til að aldursviðmiði fyrir félagsstarf fyrir aldraða á vegum Akraneskaupstaðar verði fært niður í 60 ár í samræmi við aldursviðmið innan FEBAN og mörg önnur sveitarfélög. Það er ekki talið að umtalsverð fjölgun verði í félagsstarfinu heldur verða samræmt aldursviðmið skýrara fyrir notendur þjónustunnar.
Velferðar- og mannréttindaráð samþykkir að félagsstarf fyrir aldraða verði starfrækt fyrir alla 60 ára og eldri á mánudögum, miðvikudögum og fimmtudögum. Þriðjudaga verði áfram í boði fyrir öryrkja á öllum aldri eins og verið hefur. Á föstudögum verði opið hús fyrir 60 ára og eldri og öryrkja á öllum aldri.
Fundi slitið - kl. 17:00.
