Velferðar- og mannréttindaráð
Dagskrá
1.Kynning á barnavernd vegna ársins 2019
2001097
Ingibjörg Gunnarsdóttir yfirfélagsráðgjafi í barnavernd kynnir tölur og stöðuna í barnavernd vegna ársins 2019 og verður með samburð við síðustu ár.
Velferðar- og mannréttindaráð þakkar Ingibjörgu Gunnarsdóttur yfirfélagsráðgjafa fyrir greinargóða kynningu á stöðu barnaverndar.
2.Tillögur að leiguverði í félagslegu leiguhúsnæði Akraneskaupstaðar
1910190
Á fundi ráðsins þann 30. október 2019 kom Þorgeir Hafsteinn Jónsson fjármálastjóri Akraneskaupstaðar inn og kynnti tillögur á leiguverði fyrir félagslegar leiguíbúðir Akraneskaupstaðar. Nú liggur fyrir frekari greining til kynningar.
Velferðar- og mannréttindaráð þakkar Þorgeiri Hafsteini Jónssyni fjármálastjóra fyrir ýtarlega greinargerð og kynningu á henni.
Velferðar- og mannréttindaráð mælir með að fjármálastjóri kynni greinagerðina fyrir bæjarstjórn.
Velferðar- og mannréttindaráð mælir með að fjármálastjóri kynni greinagerðina fyrir bæjarstjórn.
3.Erindisbréf og reglur - endurskoðun
1610064
Samkvæmt 28. gr. samþykktar um stjórn og fundarsköp Akraneskaupstaðar, staðfestir bæjarstjórn erindisbréf fyrir ráð, stjórnir og nefndir. Fyrir liggja erindisbréf Velferðar- og mannréttindaráðs, Velferðar- og mannréttindasviðs og sviðsstjóra Velferðar- og mannréttindasviðs.
Velferðar- og mannréttindaráð samþykkir fyrirliggjandi erindisbréf og vísar þeim til staðfestingar í bæjarstjórn.
4.Reglur um fjárhagsaðstoð Akraneskaupstaðar
2001177
Reglur Akraneskaupstaðar um fjárhagsaðstoð. Lagt er til að grunnkvarði fjárhagsaðstoðar hækki um 2,5% frá 1. janúar 2020 í samræmi við aðrar gjaldskrárhækkanir hjá Akraneskaupstað.
Velferðar- og mannréttindaráð leggur til að grunnfjárhæð fjárhagsaðstoðar verði hækkuð um 2,5% frá og með 1. janúar 2020 í samræmi við aðrar gjaldskrárhækkanir Akraneskaupstaðar. Málinu er vísað til staðfestingar í bæjarráði.
Fundi slitið - kl. 18:00.
